"Kreml hakimiyyəti ömrünü öz əcəli ilə başa vurmayacaq" - Zelenski

"Zelenski Hitler kimi it zəhəri içib intihar edəcək..."

"Ukrayna liderinin həyatına 12 dəfə sui-qəsd olumub, ən azə 2 dəfə bunun qarşısı MKİ-nin kəşfiyyat məlumatları sayəsində alınıb..."

Zelenski Ukraynanın qələbəsindən sonra Kreml üçün "pis final" proqnozlaşdırıb

Ukrayna prezidenti Vladimir Zelenski bəyan edib ki, Rusiya hakimiyyəti çətin ki, "öz əcəli ilə ömrünü başa vursun".

Bu barədə o, BBC nəşrinə müsahibəsində deyib.

"İnanın, Kremldə olanların hamısının sonu pis olacaq. Bilmirəm, məhz necə olacaq, amma bütün bunların tez bir zamanda bitməsini istəyərdik. Onlar ömürlərini öz əcəli ilə başa vurmayacaq", - prezident deyib.

Rusiya Təhlükəsizlik Şurası katibinin qamaqallı müavini Dmitri Medvedev Zelenskinin sözlərindən yenidən isterikaya düşüb. O, Zelenskini "yaşıl paltarlı rəzil" adlandırıb, Rusiyanın qəddar müharibə apardığı ölkə liderinin Putin və ətrafını ölü görmək istədiyindən hiddətə gəlib.

"Kimin necə öləcəyini biz deyə bilmərik, "Allahın işlərinə qarışmaq olmaz", - Medvedev belə başlayıb. Daha sonra o, Zelenskini "təlxək" adlandırıb və deyib ki, o da "Hitler kimi it zəhərini içib" intihar edəcək.

Bundan öncə isə Zelenski deyib ki, o, Putinlə heç bir danışıqlara getməyəcək, çünki hətta Beynəlxalq Cinayət Məhkəməsi onu terrorçu kimi tanıyıb

Ukrayna liderinin sözlərinə cavab olaraq Medvedev Zelenskinin özünün "fiziki cəhətdən aradan götürülməsinə" çağırış edib.

Kremlə zərbə və Putinə "sui-qəsd" - başlıca məqamlar

Mayın 3-nə keçən gecə iki dron Kreml ərazisinə hücum edib. Onlardan biri Senat Sarayının damındakı bayraq dirəyinin yanında partlayıb və kiçik yanğın törədib. Heç kim zərər çəkməyib.

Moskva bu hücumda Ukraynanı ittiham edib, bunu mayın 9-da xarici qonaqların iştirakı ilə
Qələbə Günü şərəfinə keçiriləcək hərbi parad ərəfəsində "planlaşdırılmış terror aksiyası və Putinin həyatına sui-qəsd" adlandırıb.

O zaman raşistlər "lazım olan yerdə, zamanda və məkanda cavab tədbirləri görmək hüququnu özündə saxlamaqla" təhdid edib.

Ukrayna bu hücumda əli olduğunu inkar edib. Zelenski vurğulayıb ki, nə Putinə, nə də Moskvaya hücum etmir. Prezident qeyd edib ki, Ukrayna öz torpaqları uğrunda mübarizə aparır.

Eyni zamanda, Ukrayna Kriminal Kəşfiyyatının sabiq rəhbəri Valeri Kurun sözlərinə görə, Rusiya bir neçə dəfə Zelenskinin həyatına sui-qəsd edib.

Amerikalı publisist Kris Uipplın sözlərinə görə, Zelenskiyə qarşı ən azı 12 sui-qəsd cəhdi olub. Ən azı iki belə cəhdin qarşısı Mərkəzi Kəşfiyyat İdarəsinin kəşfiyyat məlumatları sayəsində alınıb.

Moderator.az

Telegramda izləyin