Mediasiya Şurası 3 429 barışıq sazişinin əldə olunduğunu açıqlayıb

Ölkəmizdə bəzən populist şəxslər tərəfindən belə bir fikir ifadə olunur ki, bizdə mediasiya sahəsi inkişaf etməyəcək, bu proses alınmayacaq. Amma təcrübə göstərir ki, ölkəmizdə kifayət qədər peşəkar mediatorlarımız var.

Sonxeber.az xəbər verir ki, bunu Mediasiya Şurasının İdarə Heyətinin sədri Nadir Adilov "Nikahın xitamı ilə bağlı ailə qanunvericiliyinin tətbiqi sahəsində mövcud vəziyyət" mövzusunda keçirilən konfransda deyib.

"Çox sevindirici haldır ki, 2022-ci ilin yanvar-dekabr aylarında mediasiya müraciətinin 956-sı könüllü olub. Ümumilikdə 3 429 barışıq sazişi olub, baxmayaraq ki, Avropa ekspertləri bu rəqəmləri yeni başlayan təşkilat üçün yüksək qiymətləndirir, sözün düzü, bu rəqəm bizi qane etmir. Bu ilin statistikasına əsasən, 891 könüllü müraciət daxil olub, bu da çox sevindirici haldır ki, tərəflər öz problemlərini mediasiyada həll etmək istəyiblər.

Ən böyük uğurumuz ondan ibarətdir ki, ötən ilin bizim 11-15 faizlik barışıq sazişlərimiz var idisə, bu il bu rəqəm 30 faiz təşkil edir. İmzalanan barışıq sazişlərimizin sayı isə 2 913-dür", - o əlavə edib.

Telegramda izləyin