"Ermənistanın heç bir qonşuya, o cümlədən Azərbaycana qarşı ərazi iddiası yoxdur" - Akop Arşakyan

Ermənistan parlamentinin vitse-spikeri Akop Arşakyan bildirib ki, Ermənistanın heç bir qonşusuna, o cümlədən Azərbaycana qarşı ərazi iddiası yoxdur.

Sonxeber.az xəbər verir ki, bu barədə erməni mətbuatı məlumat yayıb.

"Ermənistan belə mövqedən çıxış edir ki, bizim heç bir qonşuya, o cümlədən Azərbaycana ərazi tələbimiz yoxdur, bu o deməkdir ki, biz dövlət sərhədlərini və dövlətlərimizə məxsus əraziləri dəqiqləşdirməyə ehtiyac duyuruq. Söhbət sülh müqaviləsinin məntiqinin yanaşmalarından gedir, məsələ prinsiplərin aydınlaşdırılmasından gedir. Biz rəqəmlərdən danışanda dəqiqlikdən danışırıq", - deyə Arşakyan bildirib.

O əlavə edib ki, bu kontekstdə Dağlıq Qarabağ məsələsi bu yanaşmalar çərçivəsində elə qəbul edilir ki, Dağlıq Qarabağ ermənilərinin hüquqları və təhlükəsizliyi ətrafında beynəlxalq format yaradılmalı və Bakı dialoqa başlamalıdır.

"Prezident Robert Köçəryan təkcə Ermənistanın deyil, həm də Qarabağın adından danışıqlara başlayanda dolayısı ilə məlum oldu ki, Ermənistanın Azərbaycanla ərazi mübahisəsi var. İndi biz deyirik ki, bizim Azərbaycanla ərazi mübahisəmiz yoxdur. Yəni, biz qarşılıqlı olaraq bir-birimizin ərazi bütövlüyünü tanıyırıq və bundan sonra Qarabağla Azərbaycan arasında dialoqun əlaqələndirilməsinə, Qarabağ ermənilərinin hüquq və təhlükəsizliyinin təminatına cavabdeh olan beynəlxalq mexanizmlər işə salınır", - deyə Arşakyan bildirib.

Telegramda izləyin