"Bu gün əminliklə deyə bilərik ki, Rəcəb Tayyib Ərdoğanla qardaş Türkiyə bundan sonra da çox böyük zəfərlər imza atacaq" - DEPUTAT

"Hər zaman olduğu kimi yenə də Azərbaycan qardaş Türkiyənin yanında olaraq sevincini bölüşən ilk ölkə oldu"

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki,Türkiyədə keçirilən ikinci tur prezident seçkilərində seçki qutularının 99,45 faizi sayılıb. Rəcəb Tayyib Ərdoğan 52,14 faiz səslə öndədir. Bilirsiniz ki, cənab prezident İlham Əliyev möhtəşəm zəfər münasibətilə Rəcəb Tayyib Ərdoğanı ilk təbrik edən lider oldu və onu ilk səfər olaraq Azərbaycana dəvət etdi. Bu möhtəşəm qələbə tək Türkiyə xalqını deyil hər bir azərbaycanlı vətəndaşını da sevindirdi. Hazırda Bakıda və bölgələrdə Rəcəb Tayyib Ərdoğanın qələbəsi təntənəli şəkildə qeyd olunur".

Deputat qeyd edib ki, Türkiyə xalqı növbəti dəfə doğru seçim edərək Rəcəb Tayyib Ərdoğana səs verdi:

"Əminəm ki, bundan sonra Türkiyəni böyük uğurlar gözləyir. Heç kəsə sirr deyil ki, Rəcəb Tayyib Ərdoğan 20 il ərzində ölkəsi üçün böyük işlər görən liderdir. Rəcəb Tayyib Ərdoğan hərbi və digər sahələrin inkişafında da böyük işlər görüb. Ümumiyyətlə düşünürəm ki, Rəcəb Tayyib Ərdoğana səs verməklə Türkiyə xalqı ən doğru seçimini etdi. Bu gün əminliklə söyləyə bilərik ki, bundan sonra da Rəcəb Tayyib Ərdoğanla qardaş Türkiyə çox böyük zəfərlər imza atacaq".

Aysel Yusifqızı

Telegramda izləyin