"Cənab Rəcəb Tayyib Ərdoğanın böyük səs çoxluğu ilə yenidən lider olması bütün Türk dünyasının qələbəsidir" - DEPUTAT

"Bu gün tək Türkiyə vətəndaşları deyil, Azərbaycan xalqı da Rəcəb Tayyib Ərdoğanın möhtəşəm zəfərini qeyd edir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, hər zaman olaraq yenə də cənab prezident İlham Əliyev möhtəşəm zəfər münasibətilə Rəcəb Tayyib Ərdoğanı ilk təbrik edən lider oldu. Bilirsiniz ki, cənab prezident İlham Əliyev Rəcəb Tayyib Ərdoğanı ilk səfər olaraq Azərbaycana dəvət edib. Hazırda bütün Azərbaycanda Rəcəb Tayyib Ərdoğanın qələbəsi qeyd olunur. Əminliklə söyləyə bilərik ki, bu gün Türkiyə xalqı özünün uğurlu gələcəyinə, dövlətinin daha güclü olmasına və inkişafına səs verdi".

Deputat vurğulayıb ki, növbəti illərdə Türkiyə ilə Azərbaycan arasında dostluq və qardaşlıq münasibətləri daha da möhkəmlənəcək:

"Bundan sonra da qarşımıza qoyduğumuz hədəflərə birlikdə nail olaraq düşmənlərimizi bütün cəbhələrdə məğlub edəcəyik. Cənab Rəcəb Tayyib Ərdoğanın yenidən böyük səs çoxluğu ilə lider olması bütün Türk dünyasının qələbəsidir. Əminəm ki, Rəcəb Tayyib Ərdoğanla Türkiyə-Azərbaycan münasibətləri də daha möhkəm təməllərlə inkişaf edəcək".

Aysel Yusifqızı

Telegramda izləyin