"Türkiyə bütün dünyaya növbəti dəfə demokratiya dərsi keçdi" - DEPUTAT

"Qardaş Türkiyədə prezident seçkilərinin 2-ci turunda cənab R.T.Erdoğanın qalib gəlməsi ilə Türkiyənin 2-ci 100-ili başladı".

Bu sözləri Sonxeber.az-a Milli Məclisin deputatı Tahir Mirkişili deyib.

O bildirib ki, növbəti 100 ildə Türkiyə 1-ci 100 ildə ona mane olan bütün əngəlləri aşmağa çalışacaq.

"Türkiyə bütün dünyaya növbəti dəfə demokratiya dərsi keçdi. Bu yolda qardaş türk xalqına doğru adam lazım idi, o da doğru adamı və doğru yolu seçdi. Türkiyə bundan sonra daha da güclənəcəkdir.
Türk Dünyasının da inkişafında yeni mərhələ başlayır. Bu mərhələdə Türk Dünyası güclü və inkişaf etmiş olacaqdır.
Türkiyənin güclü olmasını, doğru adam seçməsini arzulayan hər kəsi təbrik edirəm. Türkiyə böyük və çətin bir imtahandan şərəflə qalib çıxdı. Bu imtahanda Azərbaycan dövləti və xalqı daim qardaş türk xalqının yanında oldu.
Biz bir millət, iki dövlətik!"

Telegramda izləyin