Aİ: "Ukraynada bənd hücumu müharibə cinayətidir"

Avropa İttifaqı (Aİ) Şurasının prezidenti Şarl Mişel Ukraynadakı Kahovka bəndinin vurulmasında Rusiyanı günahlandırıb və bunu hərbi cinayət elan edib.

Sonxeber.az xəbər verir ki, Mişel sosial şəbəkədə Ukraynanın cənubunda bəndin bombalanması ilə bağlı açıqlama verib.

Kahovka bəndinə hücumdan şoka düşdüyünü bildirən Mişel mülki infrastrukturların məhv edilməsinin müharibə cinayəti olduğunu vurğulayıb.

Mişel qeyd edib ki, buna görə Rusiya və birlikdə hərəkət edənləri məsuliyyətə cəlb edəcəklər.

Çarlz Mişel iyunun 29-30-da keçiriləcək Aİ Liderlər Zirvə toplantısında bu məsələni qaldıracağını və daşqın xəbərdarlığının verildiyi bölgəyə daha çox yardım göndərilməsini təklif edəcəyini açıqlayıb.

Ukraynanın Xerson vilayətində yerləşən Rusiyanın nəzarətində olan Kahovka Su Elektrik Stansiyası (SES) bombardman nəticəsində dağıdılıb. Ərazinin su basma təhlükəsi ilə üzləşdiyini qeyd edən Ukrayna hakimiyyəti bəndin vurulmasına görə Rusiya ordusunu məsuliyyət daşıyır.

Telegramda izləyin