Məktəbli qız telefon oyunlarına 430 min xərclədi

Çinin Henan əyalətində şagirdi mobil oyunlara 430 min yuan (təxminən 102 min 856 manat)) xərcləyərək ailəsinin əmanətlərini qarət edib.

Lent.az xarici mediaya istinadla bildirir ki, 13 yaşlı qızın anası hadisəni övladının təhsil müəssisəsində telefonla çox vaxt keçirdiyini, pullu onlayn oyunlar oynadığını deyən müəllimdən öyrənib. Qadın balansı yoxladıqdan sonra hesabda 0,5 yuanın (təxminən 10 qəpik) qaldığını görüb.

Qeyd olunur ki, məktəbli qız 430 min yuanın 210 mini oyundaxili alış-verişə, 100 mini isə sinif yoldaşları üçün oyun almağa xərcləyib.

Telegramda izləyin