Bu dondurmalar təhlükəli ola bilər - Ekspertdən AÇIQLAMA

Yayın gəlişi ilə dondurmalara maraq kifayət qədərdir. Havaların isti keçməsi ilə bağlı dondurmalara da təlabat xeyli artıb. Şəhərin müxtəlif yerlərində dondurmaların satışın görə bilərik. Bəs günəş şüaları altında saatlarla qalan bu sərinləşdirici qidalar insan orqanizminə zərər vura bilərmi?

Mövzu ilə bağlı Sonxeber.az saytına qida üzrə ekspert Məhsəti Hüseynova açıqlama verib.

O bildirib ki, bu kimi məhsullar Qida Təhlükəsizliyi Agentliyinin tərkibindədir. Yol kənarlarında satılan dondurmalar bəzi hallarda təhlükəlidir:

"Açıq formada, səyyar şəkildə satılan dondurmalar günəş şüasına məruz qalır. Ümumiyyətlə tarladan süfrəyə qədər olan bütün məhsullarda qida zənciri pozulmamalıdır. Təbii ki, açıqda satılan məhsullar həmişə yüksək risk qrupuna aid olan məhsullardır. Dondurma da süd məhsulu olduğu üçün xüsusi risk qrupuna aiddir. Bununla belə hər bir istehlakçı özü öz sağlamlığını düşünməlidir. Dondurma alan zaman tərkibinə, son istifadə tarixinə hansı şəraitdə satılmasına diqqət etmək lazımdır. Sağlamlıqla bağlı hər hansı problem olduqda immunitent sistemi güclü olsa da, zəhərlənmə özünü çox təhlükəli göstərmir, amma həzm sisteminin, maddələr mübadiləsinin pozulması özünü göstərdikdə onun dondurmadan qaynaqlandığını araşdırmağı belə düşünmürlər. Mənşəyi və istehsal tarixi bilinməyən, saxlama prinsiplərinə uyğun olmayan məhsullardan uzaq durmaq lazımdır".
AYSEL ƏKBƏR

Telegramda izləyin