"105-ci ilini qeyd etdiyimiz rəşadətli Azərbaycan Ordusu bu gün dünyanın 50 ən güclü ordusundan biridir" - DEPUTAT

"Ali Baş Komandan İlham Əliyevin rəhbərliyi ilə Azərbaycanın Müzəffər Ordusu öz gücü ilə ölkəmizin ərazi bütövlüyünü bərpa edərək adına Azərbaycan tarixinə qızıl hərflərlə yazdırıb".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Ali Baş Komandan İlham Əliyevin ordu quruculuğu sahəsində gördüyü işlər sayəsində Azərbaycan Silahlı Qüvvələri bu gün qüdrətli və güclü ordular siyahısındadır:

"Azərbaycan müstəqillik əldə etdiyi ilk illərdə ölkədə vəziyyət ağır olaraq qalırdı. AXCP və Müsavat cütlüyü hakimiyyət uğrunda mübarizə aparırdı. Ordu quruculuğundan söhbət belə gedə bilməzdi. Hakimiyyəti zorla əldə etdikdən sonra yaranan ayrı-ayrı özünümüdafiə batalyonları vəzifədə olan şəxslərin maraqlarını müdafiə etməsi torpaqlarımızı işğal etmək üçün Ermənistan üçün fürsət yaratdı. Yaranan şəraitdən istifadə edən Ermənistanın separatçı rəhbərliyi 20 faiz torpaqlarımızı işğal etdi. Xalqının dar günündə Azərbaycana qayıdan ulu öndər Heydər Əliyev dövlətimizin yenidən başqa ölkənin müstəmləkəsinə çevrilməsindən xilas etdi. Ulu öndər Heydər Əliyev hakimiyyətə gəldikdən sonra bütün sahələrin inkişafı üçün çox mühüm addımlar atıldı. Vahid ordu sistemi yaradıldı. Ulu öndər Heydər Əliyevin siyasətini uğurla davam etdirən cənab prezident İlham Əliyevin həyata keçirdiyi tədbirlər sayəsində qüdrətli və güclü ordular siyahısında Azərbaycan Silahlı Qüvvələrinin də adı var. Hər il Azərbaycan ordusun qüvvətlənməsi, silah və texniki bazasının gücləndirilməsi istiqamətində ölkə rəhbərliyi tərəfindən ciddi addımlar atılır. Həmin addımlar nəticəsində qısa müddət ərzində Ali Baş Komandan İlham Əliyevin rəhbərliyi Azərbaycanın Müzəffər Ordusu 30 illik işğala son qoyaraq ərazi bütövlüyümüzü bərpa etdi".

Deputat söyləyib ki, bir neçə gündən sonra yaranmasının 105-ci ilini qeyd etdiyimiz rəşadətli Azərbaycan Ordusu dünyanın 50 ən güclü ordusundan biridir:

"Bu gün Azərbaycan Ordusunun yaradılmasının 105-ci ildönümünü hər birimiz iftixar və böyük qürur hissi ilə hissi ilə qeyd edirik. 44 günlük Vətən müharibəsində Azərbaycanın Müzəffər Ordusunun əldə etdiyi möhtəşəm qələbənin yaratdığı yeni reallıqlar regionda davamlı sülhün təmin olunmasına xidmət edir. Bu gün düşmən bizim diqtəmizlə hərəkət edir. Status-kvo və ermənilərin uydurduqları "keçilməz təmas xətti" ordumuz tərəfindən darmadağın edilərək, müharibənin gələcək nəsillərə ötürülməsinin qarşısını aldı. Silahlı Qüvvələr Günü münasibətilə ilə başda Ali Baş Komandan İlham Əliyev olmaqla bütün hərbiçilərimizi təbrik edirəm. Şəhidlərimizə Allahdan rəhmət, qazilərimizə şəfa diləyirəm".

Telegramda izləyin