Talış sakini: "30 il sonra yurdumuzda qurban əti bişiririk" - FOTO
"Tərtər rayonunun Talış kəndinin sakinləri 30 ildən sonra ilk dəfə Qurban bayramını doğma yurdlarında qeyd ediblər.
AZƏRTAC-ın bölgə müxbiri Talış kəndində Əkbərovlar ailəsinin qonağı olub, bayram təəssüratlarını öyrənib. Ailə başçısı Əyyub Əkbərov deyib: "Otuz yaşımda buradan getdim, 30 il Bakıda yaşadım. Bu illər ərzində ən böyük arzum yurduma dönmək idi. Şair olmuşdum, dağa-daşa, Vətənə, torpağa şeirlər yazırdım. Şükürlər olsun, nəsib oldu, gəldik həsrətində olduğumuz torpağımıza. Bu gün də bayram münasibətilə kənddə qurban kəsildi, hər bir ailəyə qurban payı verildi. İndi öz yurdumuzda, isti ocağımızda, öz sobamızın üstündə qurban əti bişiririk. Bu günlərə çox şükür olsun. Allah dövlətimizi, ordumuzu qorusun. Bütün Azərbaycan xalqını, bütün müsəlman dünyasını müqəddəs Qurban bayramı münasibətilə təbrik edirəm".
Ailənin xanımı Arzu Əkbərova doğma yurda qayıtdıqları, böyük həsrətlə gözlədikləri günlərə çatdıqları üçün özünü xoşbəxt hiss etdiyini bildirib: "Özümü çox xoşbəxt hesab edirəm. Allah şəhidlərimizə rəhmət eləsin, qazilərimizə cansağlığı versin. Prezidentimizə uğurlar arzulayıram. Çox xoşbəxt insanlarıq ki, bu gün burada Qurban bayramını qeyd edirik. Bu günləri böyük həsrətlə gözləyirdik. Azərbaycan xalqının bayramını təbrik edirəm".
Xatırladaq ki, 30 ildən sonra Tərtər rayonunun işğaldan azad edilmiş Talış kəndində Qurban bayramı qeyd edilib. Qarabağ iqtisadi rayonuna daxil olan işğaldan azad edilmiş ərazilərdə Azərbaycan Respublikası Prezidentinin Xüsusi Nümayəndəliyinin, Qarabağ İqtisadi Rayonunda Bərpa, Tikinti və İdarəetmə Xidmətinin və Azərbaycan Qida Təhlükəsizliyi Agentliyinin (AQTA) təşkilatçılığı ilə qurban kəsilib, kəndə köçürülmüş ailələrə paylanılıb.


Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Ətin qiyməti ilə bağlı ŞAD XƏBƏR
Azərbaycanda internet BAHALAŞDI - YENİ QİYMƏT
Su qiymətinə alırdıq, indi 100 MANATA SATILIR - VİDEO
Azərbaycanda 12 uşağa görün nə adı qoyulub?
Karlo Ançelotti Çempionlar liqasının favoritini açıqladı
Nazirdən ƏMR: Məktəblər və universitetlər BU TARİXDƏ onlayn rejimə keçir
"2 ailəm də xəyanətə görə DAĞILDI"
Azmərtəbəli binalarla bağlı YENİ QAYDA
Mayın qeyri-iş günləri AÇIQLANDI - DƏYİŞİKLİK VAR
Bu tərəvəz əsl möcüzədir!
Almaxanımla bağlı suala ƏSƏBİLƏŞDİ
"Bunu hansı axmaq salıb?" dedi, peşman oldu - VİDEO
Evdən çıxmazdan əvvəl eyvana PLASTİK BUTULKA BAĞLAYIN