"Azərbaycanda informasiya texnologiyalarının inkişafına çox böyük diqqət ayrılıb"-Fərhad Mirəliyev

İstiqamət: İnformasiya və kommunikasiya texnologiyalarının inkişaf etdirilməsi
"2003-cü ildən başlayaraq informasiya və kommunikasiya üzrə strategiya, ümumtəhsil məktəblərində informasiya texnologiyaları ilə bağlı təminatı proqramı olub. Bu kimi sənədlər Azərbaycanda informasiya cəmiyyətinin formalaşmasına və vətəndaşların elektron xidmətlərə əlçatanlığının lazımi səviyyədə təmin edilməsinə hesablanıb".

Bu sözləri İT mütəxəssisi Fərhad Mirəliyev Sonxeber.az-a deyib.

O qeyd edib ki, elektron hökumətin yaradılması dövlət qurumları və vətəndaşlar arasında əlaqələri daha şəffaf formaya saldı və elektron xidmətlərin göstərilməsi artıq bütün dövlət strukturları tərəfindən vacib bir öhdəliyə çevrildi:

"Ölkəmizdə informasiya və biliklərə əsaslanan, rəqabətə davamlı iqtisadiyyat və informasiya cəmiyyətinin qurulması istiqamətində xeyli işlər görülüb. Dövrümüzün tələbidir ki, artıq informasiya və kommunikasiya texnologiyaları təsir dairəsi genişlənir. Bura dövlət strukturları, iqtisadi, sosial, elm sahələri qatılır .Digər sahələr artıq bunu bir tərkib hissəsi kimi görməyə məcburdur. Buna görə də biz xarici dövlətlərə də baxsaq, görərik ki, ən inkişaf etmiş dövlətlər informasiya texnologiyaları sahələrində daha çox nailiyyət əldə etmiş dövlətlər sayılır. Azərbaycanda da informasiya texnologiyalarının inkişafına çox böyük diqqət ayrılıb. Bu istiqamətdə qəbul olunan proqramlar inkişafı şərtləndirib. 2003-cü ildən başlayaraq informasiya və kommunikasiya üzrə strategiya, ümumtəhsil məktəblərində informasiya texnologiyaları ilə bağlı təminatı proqramı olub. Bu kimi sənədlər Azərbaycanda informasiya cəmiyyətinin formalaşmasına və vətəndaşların elektron xidmətlərə əlçatanlığının lazımi səviyyədə təmin edilməsinə hesablanıb. Biz nəticəli təhlil etsək, informasiya-kommmunikasiya texnologiyalarının inkişafı nəticəsi olaraq ən birinci elektron hökumətin yaradılmasını görürük. Elektron hökumətin yaradılması dövlət qurumları və vətəndaşlar arasında əlaqələri daha şəffaf formaya saldı və elektron xidmətlərin göstərilməsi artıq bütün dövlət strukturları tərəfindən vacib bir öhdəliyə çevrildi. O cümlədən, vətəndaşlar və dövlət qurumları arasında fiziki təmaslar minimuma endi və bu da keçmişdə yaşanan neqativ halların azalmasına gətirib çıxardı. Qeyd etdiyim kimi vətəndaşlarımız texnologiyalar vasitəsilə dövlət qurumlarına müraciət edir, elektron imza texnologiyalarından istifadə edir. Vətəndaşlara göstərilən xidmətin optimallaşdırılması, əlçatanlığın artırılması üçün bir çox dövlət qurumlarında bir pəncərə prinsipi əsasında elektron xidmət təklif olunur və insanlar daha asanlıqla yaralana bilir".
Material Azərbaycan Respublikasının

Şəbnəm Lətifi

Telegramda izləyin