Azərbaycan Avropa Oyunlarında qızıl medal qazandı

Polşanın Krakov şəhərində keçirilən III Avropa Oyunlarında idmançımız Fərid Ağamoğlanov qızıl medala layiq görülüb.

Sonxeber.az xəbər verir ki, o, finalda kikboksinqin full-contact versiyasında 63.5 kq çəki dərəcəsində italyan döyüşçü Tramontana Damiano Salvatore ilə görüşüb.

İdmançımız gərgin döyüş nəticəsində rəqibini 3:0 hesabı ilə məğlub edib.

Fərid Ağamoğlanovun şəxsi məşqçisi, Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı Eduard Məmmədov öz sevincini belə ifadə edib.
"Bu yüksək nəticəni əldə etməsində bizə dəstəyini əsirgəməyən bütün dost və azarkeşlərimizə təşəkkür edirik.

İlk olaraq Azərbaycan Kikboksinq Federasiyasının Fəxri prezidenti, Milli Məclis Sədrinin müavini, bizə hər zaman və hər cür dayaq olan cənab Adil Əliyevə, eyni zamanda bizə bu və digər yarışlarda iştirak etməyimiz üçün hər bir şəraiti yaradan Azərbaycan Kikboksinq Federasiyasının Prezidenti cənab Orxan Əliyevə öz dərin minnətdarlığımı bildirirəm.

Bizə qələbə yaraşır".

Telegramda izləyin