Polşada Rusiyaya casusluq edən Belarus vətəndaşı həbs edilib

Polşada Mixail A. adlı Belarus vətəndaşı Rusiyaya casusluq etdiyi üçün həbs edilib.

Sonxeber.az xəbər verir ki, Polşa Daxili Təhlükəsizlik Agentliyi Rusiya adına casusluq etdiyi üçün Mixail A. adlı Belarus vətəndaşını saxladıqlarını açıqlayıb.

Məxfi Xidmətlər Nazirliyinin mətbuat xidmətinin verdiyi açıqlamada avqustun 1-də saxlanılan Mixail A. Moskva və Sankt-Peterburqda yaşayıb. Onun Sankt-Peterburqda işlədiyi və 6 il Rusiyada həbsdə yatdığı bildirilib.

Bildirilib ki, 2021-ci ildə Polşaya gəldikdən sonra Rusiya casusluq şəbəkəsi ilə əlaqə saxladığı bildirilən Mixail A. Polşa dövlətinin maraqlarını və daxili təhlükəsizliyini hədəf alan bir sıra vəzifələr, o cümlədən hərbi infrastrukturun aşkarlanması da daxil olmaqla, mühüm işlər görüb.

Ölkənin cənub-şərqindəki Lyublin şəhərində saxlanılan 39 yaşlı Belarus vətəndaşı istintaqa cəlb olunduğu məhkəmə tərəfindən həbs edilib. Mixail A. son bir neçə ayda Polşa rəsmilərinin Rusiya casusluq şəbəkəsinə qarşı həyata keçirdiyi əməliyyatlar çərçivəsində həbs edilən 16-cı şəxsdir.

Telegramda izləyin