"Qarabağ"ın Konfrans Liqasındakı mümkün rəqibləri

"Qarabağ"ın UEFA Konfrans Liqasının pley-off mərhələsindəki mümkün rəqibləri müəyyənləşib.

Oxu.Az xəbər verir ki, Azərbaycan çempionunun UEFA Avropa Liqasında HİK-lə (Finlandiya) təşkil etdiyi cütün məğlubu mübarizəni bu turnirdə davam etdirəcək.

Cütün potensial rəqiblərindən ikisi Avropa Liqasında III raundun məğlubu, üçü isə Konfrans Liqasında III təsnifat mərhələsinin qalibi olacaq.

"Qarabağ" - HİK cütünün Konfrans Liqasında mümkün rəqibləri:

"Valmiera" (Litva) - "Partizani" (Albaniya) cütünün qalibi.
"Farul" (Rumıniya) - "Flora" (Estoniya) cütünün qalibi.
"Struqa" (Şimali Makedoniya) – "Svift" (Lüksemburq) cütünün qalibi.
Avropa Liqasında "Zrinski" (Bosniya və Herseqovina) - "Breydablik" (İslandiya) cütünün məğlubu.
Avropa Liqasında "Astana" (Qazaxıstan) - "Ludoqorets" (Bolqarıstan) cütünün məğlubu.

Qeyd edək ki, bu gün keçiriləcək Konfrans Liqasının püşkatma mərasimi Bakı vaxtı ilə saat 16:00-da başlayacaq.

Telegramda izləyin

instagramda izləyin