Mumiyaları "dərman" kimi istifadə ediblər

Bəzi insanlar arasında mumiya yeməyin sağlamlıq üçün faydalı ola biləcəyinə dair bir xurafat var idi. Söhbət Avropa tarixinin ən çılğın vaxtlarından gedir. Avropalılar Misir mumiyalarına aludəçilik edirdi. İnsanlar o zamanlar vəbadan tutmuş vəbadan baş ağrılarına qədər hər cür xəstəliyi sağalda biləcəyinə inanırdı. Sonra isə Viktoriya dövrünə aid axşam yeməyi əyləncəsi kimi qorxulu anlayışlar meydana gəlməyə başladı. Bununla da, bu xarafatlara inanan bəzi tacirlər orta əsrlərdən XIX əsrlərə qədər qədim misirlilərin mumiyalarını Avropaya gətirdilər. Nəticə etibarilə, mumiyalar əczaxanalarda satılan və əsrlər boyu varlılar, kasıblar tərəfindən istifadə edilən dərman vasitəsi kimi 500 il reseptlə satılan dərman olaraq qaldı.

Lakin, əhalinin hamısı bundan əmin deyildi. Kral həkimi Gi de la Fonteyn 1564-cü ildə İsgəndəriyyədə ölü kəndlilərdən hazırlanmış saxta mumiyaları görüb. Daha sonra, mumiyaların faydalı dərman olduğundan şübhələnməyə başlayıb. Məhz həkim o zaman insanların aldandığını və əsl köhnə mumiyaları həmişə istehlak edilmədiyini başa düşdü. Bu saxtakarlıq mühüçm bir məqama aydınlıq gətirdi. Tibbdə istifadə üçün meyitin və ya ətinin xalq arasında dami tələbatının olduğunu ortaya qoydu. Əczaçılar və herbalistlər mumiya dərmanlarını XVIII əsrə qədər yaxşı şəkildə yaymağa davam etdikcə, əsl Misir mumiyalarının tədarükü heç vaxt bu tələbi ödəmirdi. Mumiyalara tələb o qədər böyük idi ki, Misir mumiyaları kifayət etmirdi. Saxtakarlıqlar geniş vüsət aldı. İnsan meyidləri mumiyalanmış halda satılmağa başladı.

19-cu əsrdə mumiyalar artıq yalnız xəstəliklər üçün deyil, həm də əyləncə üçün istifadə olunurdu. Mumiya açma əyləncələri xüsusi təşkil olunurdu. Ev sahibləri nahardan sonran qurudulmuş ət və sümükləri açıb qonaqlarına həyəcan və qorxu dolu anlar yaşadırdılar. 20-ci əsrdə bu əyləncələr mövcudluğunu dayandırdı. Lakin mumiyalar əəşyaları daxil olmaqla , qaçaqmalçılıq yolu ilə daşınmağa davam etdi. Regionda qara bazar dəyəri 3 milyon dollara qədər yüksəldi. Sonralar artıq, bu məsələ öz aktuallığını itirdi və mumiyaların istifadəsi ləğv edildi./Oxu.az

Telegramda izləyin