ABŞ-da neft emalı zavodunda yanğın baş verib

ABŞ-ın Luiziana ştatında neft emalı zavodunda baş verən yanğından sonra bölgədən təxliyələrə başlanılıb.

Sonxeber.az xəbər verir ki, ABŞ-ın "Marathon Petroleum" şirkətindən verilən açıqlamada şirkətin Garyville bölgəsindəki neft emalı zavodunda baş verən yanğına müdaxilə edildiyi və bölgə əhalisinin təhlükəsizliyi üçün tədbirlər görüldüyü bildirilib.

Bu çərçivədə bölgədə insanların təxliyəsinə başlanıldığı bildirilib.

Xəsarət alan yoxdur, ərazidəki sakinlər təxliyə edilməlidir

Neft şirkəti səhər saatlarında başlayan yanğının yanacaq kimi istifadə oluna bilən yanar maye olan nafta sızması nəticəsində baş verdiyini, New Orleans şəhərindən təxminən 65 kilometr aralıda yanğına müdaxilə edildiyini açıqlayıb. və yanğın zamanı xəsarət alan olmadığı və nəzarət altına alındığı bildirilib.

ABŞ mətbuatında bildirilib ki, yanğın baş verən ərazidən 3,5 kilometr radiusda ərazidə yaşayan bütün sakinlərin təxliyəsi məcburi olub.

Sosial şəbəkələrdə paylaşılan video qeydlərdə neft emalı zavodundan çıxan qara və qatı tüstünün yüzlərlə metr yüksəkliyə çatdığı görülüb.

ABŞ Enerji İnformasiya Administrasiyasının məlumatına görə, qurğu ölkənin ikinci ən böyük əməliyyat gücünə malikdir və gündə təxminən 600.000 barel neft istehsal edir.

Telegramda izləyin