"Müqəddəs məzar" sayılan Titanik gəmisi uğrunda ekspedisiya məhkəməlik oldu!

"RMS Titanic Inc" şirkəti Titanikə yeni bir ekspedisiya təşkil etmək istəyir.

BiG.AZ xarici mənbəyə istinadən xəbər verir ki, Amerika hökuməti şirkətin müxtəlif artefaktları bərpa etmək üçün Titanikin dağıntılarına girməyi planlaşdırdığı bu yeni ekspedisiyaya yaxşı baxmır. Amerika rəsmilərinin fikrincə, gəminin gövdəsinə daxil olmaq qalıqların fiziki dəyişməsi və ya pisləşməsi ilə nəticələnəcək. Bu da federal qanunla, eləcə də Böyük Britaniya ilə Titanik-in "müqəddəs məzar" olması ilə bağlı razılaşmaya ziddir.

Buna görə də, Titanikin bərpasına nəzarət etməkdən məsul olan Virciniya ştatının Norfolk məhkəməsində hüquqi müharibə başayıb. "RMS Titanic Inc", bu dəfə icazə üçün müraciət etmək istəmədiyini bildirib. Şirkət hesab edir ki, dağıntıların aşınması strukturu dəyişdirmədən içəri daxil olmağa imkan verən dəliklər yaradıb.

Hökuməti təmsil edən hüquqşünaslar israr edirlər ki, icazəsiz ekspedisiya təşkil edilə bilməz. Nəzərə alaq ki, bu onlar arasında olan ilk anlaşmazlıq deyil. 2020-ci ildə ABŞ hökuməti gəminin məşhur radiosunu bərpa etmək üçün planlaşdırılan ekspedisiyaya qarşı məhkəmə iddiası qaldırdı

Telegramda izləyin