Bakının mərkəzi küçəsində intihara cəhdin qarşısı alınıb - YENİLƏNİB - VİDEO

Bu gün günorta saatlarında Bakı şəhərinin Nəsimi rayonu ərazisində bir nəfər üçmərtəbəli binanın üçüncü mərtəbəsinin pəncərəsinə çıxaraq intihar etmək istəyini nümayiş etdirib. Qısa müddət sonra əraziyə Fövqəladə Hallar Nazirliyinin (FHN) Xüsusi Riskli Xilasetmə Xidmətinin xilasediciləri cəlb olunublar.

Bu barədə FHN-dən məlumat verilib.

Xilasedicilər tərəfindən vətəndaşla yaxın məsafədən müvafiq psixoloji söhbətlər aparılıb. Eyni zamanda binanın həyətində xilasetmə yastığı açmaqla, zəruri təhlükəsizlik tədbirləri görülüb.

Öncədən həyata keçirilmiş təhlükəsizlik tədbirləri nəticəsində intihara cəhd edən şəxs 1978-ci il təvəllüdlü Baxşıyev Əbülfəz Yusif oğlu qurulmuş təhlükəsizlik döşəyi vasitəsilə xiıasedicilər tərəfindən xilas edilərək təcili tibbi yardım briqadasına təhvil verilib.

14:57
Bakıda bir nəfər intihara cəhd edir.

Sonxeber.az Unikal-a istinadən xəbər verir ki, hadisə paytaxtın Tarqovu adlanan ərazisində qeydə alınıb.

Belə ki, orta yaşlı kişi binadan özünü atacağını bildirib.

Ətrafdakı insanların xəbəri üzrə əraziyə FHN qüvvələri cəlb olunub.

Telegramda izləyin