"Paşinyan Azərbaycanın şərtləri ilə hazırlanan sülh müqaviləsini imzalamağa məhkumdur" - DEPUTAT

"Ermənistanın təxribatları regionda vəziyyəti yenidən gərginləşdirməyə çalışır ".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, son təxribatlar bir daha sübut edir ki, Ermənistan heç vaxt öz xoşu ilə sülh müqaviləsini imzalayacaq:

"Azərbaycan Ermənistanı sülhə məcburetmə strategiyasını daha intensiv və sistemli şəkildə aparmalıdır. Paşinyan mütəmadi olaraq fərqli mövqedən çıxış edərək, açıqlamaları həm xalqını, həm də dünyanı aldatmağa çalşır. Təxrbatlar Paşinyanın Azərbaycanın ərazi bütövlüyünün tanıması ilə bağlı səsləndirdiyi fikirlərin sözdən ibarət olduğunu bir daha sübut etdi. Bu gün Paşinyan və havadarları sülh danışıqlarını uzadaraq prosesləri öz xeyirlərinə dəyişməyə çalışır. Ermənistan ordusunun silahlanması faktı da dəfələrlə sübut olunub. Hazırda Hindistan silahları İran vasitəsilə Ermənistana çatdırılır. Bu fakt dəfələrlə Azərbaycan mediası tərəfindən ifşa olunub. Ermənistanın demək olar ki, bütün təxribatlarının sifarişçisi Fransadır. Emmanuel Makron Ermənistan-Azərbaycan münasibətlərini daha da gərginləşdirərək sülh müqaviləsinin imzalanmasına maneə olmağa çalışır. Fransa və Ermənistanın digər havadarları bilməlidir ki, Paşinyan Azərbaycanın şərtləri ilə hazırlanan sülh müqaviləsini imzalamağa məhkumdur. Sülh müqaviləsindən imtina Ermənistanın bir ölkə kimi xəritədən silinməsi deməkdir ".

Deputat vurğulayıb ki, 3 ilə yaxındır ki, Rusiya sülhməramlılar 10 noyabr bəyənatı ilə üzərlərinə götürdükləri öhdəlikləri icra etmir:

"Erməni hərbi birləşmələri Rusiya sülhməramlılarının nəzarət etdiyi ərazilərdə qalmaqdadır. Erməni terrorçularının təxribatlarına görə bütün məsuliyyət Rusiya sülhməramlılarının üzərinə düşür.Rusiya sülhməramlıları qanunsuz erməni hərbi birləşmələrinin Qarabağa gəlməsinə və onların silahlanmasına şərait yaradır. Yaxşı olar ki, Ermənistan havadarlarının sifarişini icra etməkdənsə öz xoşu ilə sülh müqaviləsini imzalasın. Paşinyan unutmasın ki, 44 günlük Vətən müharibsində Ermənistan ordusunun belini qıran "Dəmir yumruq" yerindədir".

Telegramda izləyin