"Bugünkü mina terrorunun baş verməsində bütün məsuliyyət Ermənistanla yanaşı Rusiya sülhməramlılarının da üzərinə düşür"

"Ermənilərin azərbaycanlılara qarşı mina terroru davam edir".

Bunu Sonxeber.az-a danışan deputat Cavanşir Paşazadə bildirib.

Deputat bildirib ki, sentyabrın 19-da ermənilərin törətdiyi mina terroru nəticəsində "Azəravtoyol" ASC-nin 2, Daxili İşlər Nazirliyinin isə 4 əməkdaşı həlak olub:

"Müharibə bitsə də Ermənistan yenə də öz terrorçu əməllərini və təxribatlarını davam etdirməkdədir. Hələ də Azərbaycan torpaqlarında qalmaqda davam edən qanunsuz erməni silahlı birləşmələri gizli şəkildə mina basdırmaqla məşğuldurlar. 44 günlük Vətən müharibəsində sonra Ermənistanda istehsal edilən çoxlu sayda minalar tapılıb. Erməni terrorçuların gizlin basırdıqları minalar nəticəsində hərbçilərimizlə yanaşı, polislərimiz, sivil insanlar və öz peşə vəzifəsini yerinə yetirməyə çalışan jurnalistlərin də həyatını itirib. Ermənistanın davam etdirdiyi mina terrorunun əsas məqsədi insanlarımızın təhlükəsiz şəkildə öz doğma yurdlarına geri qayıtmasına maneə olmaqdır. Biz bir tərəfdən minaları təmizləsək də, Qarabağda gizlənən erməni terrorçuları əlləri çatan yerlərə mina basdırmağa davam edirlər. Əlbəttə ki, onları himayə edən də Rusiya sülh məramlılardır. Bugünkü mina terrorunun baş verməsində bütün məsuliyyət Ermənistanla yanaşı Rusiya sülhməramlıların üzərinə düşür".

Deputat vurğulayıb ki, təəssüf ki, beynəlxalq təşkilatlar ermənilərin bizə qarşı törətdiyi təxribatları, müxtəlif terror aktlarını görməməzlikdən gəlir:

"Beynəlxalq təşkilatlar ermənilərin mina terrorunu pisləməli, Ermənistana qarşı çağırış və təzyiqlər etməlidirlər.Tarix boyu davam edən erməni cinayətlərin qarşısı qısa zamanda alınmalıdır".

Telegramda izləyin

instagramda izləyin