"44 günlük müharibədən sonra Makron və onun kimiləri olmasaydı, Ermənistan çoxdan sülh müqaviləsi imzalamışdı" - DEPUTAT

"Fransanın TF 1 televiziya kanalına verdiyi müsahibədə Makron yanmış ocağın üzərinə su əvəzinə benzin tökür".

Bunu Sonxeber.az-a danışan deputat Nəsib Məhəməliyev bildirib.

Deputat bildirib ki, səsləndirdiyi fikirlərlə hadisələri təhrif olunmuş şəkildə təqdim edir:

"Münaqişəyə dini don geyindirməklə, özünün qatı "islamofob", islam düşməni xislətini açıq şəkildə bildirir. Əfsuslar olsun ki, bu yeni bir hal deyil. Son illər BMT Təhlükəsizlik Şurasında, Avropa təsisatlarında dəfələrlə Azərbaycan əleyhinə qətnamələrin qəbul olunmasına çalışan və müsbət nəticə əldə edə bilməyən Makron ermənidən daha çox erməni olmağa çalışır. Anti-terror tədbirlərindən sonra Paşinyan qeyd edir ki, mülki əhali zərər çəkməmişdir. Makron isə, olmayan zorakılıqlardan danışır. Əgər, 44 günlük müharibədən sonra Makron və onun kimiləri olmasaydı, Ermənistan çoxdan sülh müqaviləsi imzalamışdı. Onlar tarixən öz geosiyasi maraqlarının təmin olunmasında, ermənilərdən maşa kimi istifadə ediblər.

Bu dəfə də, tarix təkrar olunur. Ermənilər, bir dəfəlik anlamalıdırlar ki, nə Makron, nə də ki, digərləri onları xoşbəxt etməyəcək. Qonşulara qarşı münasibət kökündən dəyişməli, sülh müqaviləsi imzalanmalıdır. Əks halda, dövlətçiliklərini ciddi təhlükələr gözləyir".

Telegramda izləyin