"Erməni əsilli sakinlərin Azərbaycan dilində təhsil almaq hüququ təmin olunacaq" - EKSPERT

Qarabağ bölgəsindən uğurlu antiterror əməliyyatarı ilə separatçıların təmizlənməsi nəticəsində regionda böyük yeniliklər və dəyişikliklər gözlənilir. İlk olaraq artıq Xankəndi ərazisində müvafiq dövlət qurumlarının fəaliyyəti başlayıb və bu istiqamətdə bir sıra mütəxəssislər birlikdə çalışır. Bununla yanaşı, əsas məqsəd Ermənistanla yekun son sülh müvaqiləsinin bağlanması, bölgədə əməkdaşlıq və əmin-amanlığın tam təmin olunmasıdır.

Azərbaycan vətəndaşlığını qəbul etmək istəyən erməni əsilli sakinlərə ərazimizdə yaşan digər xalqların nümayəndələri kimi bərabər hüquqlar verilir. Bölgədə təhlükəsizlik məsələləri və bərpa quruculuq işləri tam təm edildikdən sonra erməni əsilli sakinlərin təhsil məsələləri necə tənzimlənəcək?

Bununla bağlı BiG.AZ-a danışan Azərbaycan Gənc Alim, Aspirant və Magistrlar Cəmiyyətinin sədri, fəlsəfə doktoru İlqar Orucov bildirib ki, zamanında Qarabağda yaşamış erməni əsilli sakinlərin qayıtmaq hüququ dövlətimiz tərəfindən tanınır və hörmət edilir:

" Kim oranın sakini olubsa onların qayıtmaq hüququ özündə qalır. Dövlət başçımız dəfələrlə bununla bağlı münasibətini bildirib. Biz o hüququ tanıyırıq. Kim bizim vətəndaşlığımızı qəbul edəcəksə onlar ilə bağlı məsələlər müsbət həll olunacaq. Amma söhbət ondan gedir ki bu insanlar Azərbaycan dövlətinin qanunlarına hörmət etməlidir. Ölkənin ana qanunu olan konstitusiyanın qayıdacaqları təqdirdə onlara verəcəyi hüquqlardan biri təhsildir. Bu hüquq təbii ki təmin olunacaq. Mən düşünürəm ki onların Azərbaycanda yaşayan digər xalqlar kimi dövlət dilində təhsil almaq hüququ təmin olunacaq. Bununla bağlı hər hansı problem ola bilməz. Orada Azərbaycanın digər ərazilərində, rayonlarında təhsil hansı formada təşkil edilirsə işğaldan azad olunmuş ərazilərdə əgər ermənilər Azərbaycan ərazisində yaşamaq istəyirlərsə təbii ki həmin təhsil prosesi həmin bölgələrdə təmin olunacaq".

Telegramda izləyin