Premyer Liqa: "Zirə" autsayder "Kəpəz"in müqavimətini qıra bilmədi

Futbol üzrə Azərbaycan Premyer Liqasında X turun daha bir oyunu keçirilib.

"Kəpəz" "Zirə"ni qəbul edib. Gəncə şəhər stadionundakı təmir işləri ilə əlaqədar Tovuz şəhər stadionunda keçirilən görüşdə qalib müəyyənləşməyib. 90 dəqiqə ərzində qapılara top vurulmayıb - 0:0.

Bu nəticədən sonra xalı 20-yə çatan "Zirə" birinci pilləyə yüksəlib. "Kəpəz" altı xalla sonuncu - 10-cudur.
Qeyd edək ki, turun daha bir oyunu bu gün saat 18:00-da "Sabah"la "Sumqayıt" arasında oynanacaq. Dünənki matçlarda "Qarabağ" səfərdə "Turan Tovuz"la heç-heçə edib (2:2), "Neftçi" isə rəqib meydanında "Səbail"ə qalib gəlib - 2:4. Tura sabah keçiriləcək "Qəbələ" - "Araz-Naxçıvan" qarşılaşması ilə yekun vurulacaq.

Telegramda izləyin