KİV: Tehranda "3+3" formatında xarici işlər nazirlərinin görüşü keçiriləcək

Sabah Tehranda Azərbaycan, Ermənistan, Rusiya, Türkiyə və İran xarici işlər nazirlərinin iştirakı ilə "3+3" formatında ikinci görüş keçiriləcək.

Bu barədə İRNA məlumat yayıb.

Məlumata görə, görüşdə siyasi, iqtisadi, təhlükəsizlik, nəqliyyat, enerji sahələrində regional əməkdaşlıq məsələləri müzakirə ediləcək.

Nəşr qeyd edib ki, Azərbaycanla Ermənistan arasında sülh və normallaşma prosesinin cari vəziyyətidən də danışılacaq.

Qeyd edək ki, ilk dəfə "3+3" formatında görüş ötən il Gürcüstanın iştirakı olmadan Moskvada baş tutub.

Telegramda izləyin