"Bugünkü zəfər hər bir azərbaycanlı üçün sonsuz qürur mənbəyidir" - DEPUTAT

"Bu gün Azərbaycan xalqı Zəfər Gününü qeyd edir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, bu gün Azərbaycan xalqı iki bayramı bir yerdə qeyd edir, həm Şuşanın işğaldan azad olunmasını, həm də Vətən müharibəsindı əldə etdiyimiz möhtəşəm zəfəri. Zəfər Günü Azərbaycan dövlət müstəqilliyinin, suverenliyinin və qüdrətinin rəmzidir.Ali Baş Komandanın rəhbərliyi ilə Azərbaycanın Müzəffər Ordusu 2020-ci ildə tariximizin ən şanlı səhifələrindən birini yazdı. 8 noyabr müasir Azərbaycan tarixinə qızıl hərflərlə həkk olunub. Ordumuz cəmi 44 gün ərzində düşmənin belini qıraraq 30 il ərzində qurduğu istehkamları məhv etdi. Azərbaycan əsgəri BMT Təhlükəsizlik Şurasının qəbul etdiyi və illərdir icra edilməyən 4 qətnaməsini öz gücünə həll etdi".

Deputat vurğulayıb ki, Azərbaycan ordusu öz gücünə torpaqlarımızı işğaldan azad etdi:

"Ali Baş Komandan İlham Əliyevin müdrik siyasəti və dəmir iradəsi sayəsində artıq Xankəndində, Şuşada və işğaldan azad olunmuş bütün rayonlarda, şəhər və qəsəbələrdə Azərbaycanın üçrəngli bayrağı dalğalanır. Bugünkü qələbə hər bir azərbaycanlı üçün sonsuz qürur mənbəyidir. Bu möhtəşəm zəfəri bizə yaşadan Ali Baş Komandana və Azərbaycanın Müzəffər Ordusuna təşəkkür edirəm. Ərazi bütövlüyümüz uğrunda canlarından keçmiş şəhidlərimizə rəhmət, qazilərimizə şəfa diləyirəm".

Telegramda izləyin