"3 il öncə əldə etdiyimiz möhtəşəm zəfər soydaşlarımızı öz doğma yurdlarına qovuşdurdu"- Deputat

"Bu gün hansı ölkədə yaşamasından asılı olmayaraq hər bir azərbaycanlı möhtəşəm Zəfər bayramımızı böyük təntənə ilə qeyd edir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, cəmi 44 günü Azərbaycan əsgəri möhtəşəm qəhrəmanlıq dastanı yazaraq ərazi bütövlüyümüzü bərpa etdi:

"Ali Baş Komandan İlham Əliyevin dəmir iradəsi və müdrik siyasəti nəticəsində Azərbaycan ordusu 44 günlük Vətən müharibəsində döyüş meydanında düşməni biabırçı məğlubiyyəti uğradaraq bizi 30 il həsrətində olduğumuz torpaqlarımıza qovuşdurdu. Bugünkü zəfər günü Azərbaycan xalqının qalib xalq, qalib millət olduğunu bütün dünyaya bəyan edir. Azərbaycan xalqı 44 günlük Vətən müharibəsində əldə etdiyi zəfərlə bir daha dünyaya bəyan etdi ki, toprağının bir qarışını belə kiməsə güzəştə getməz. Bu il Azərbaycan Zəfər Gününü Xankəndidə qeyd edirik. Uzun müddətdir Azərbaycan xalqı bu günü səbirsizliklə gözləyib. 3 il öncə əldə etdiyimiz möhtəşəm zəfər soydaşlarımızı öz doğma yurdlarına qovuşdurdu. Bugünkü qürur və möhtəşəm zəfərə görə Ali Baş Komandan İlham Əliyevə, Azərbaycanın Müzəffər oğlu təşəkkür edirəm. Allah şəhidlərimizə rəhmət eləsin. Ərazi bütövlüyümüz uğrunda sağlamlığını itirmiş qazilərimizə isə şəfa diləyirəm".

Telegramda izləyin