Gürcüstan Azərbaycanın Ermənistana zirehli texnika göndərməsinə etirazına münasibət bildirib

Gürcüstanın xarici işlər naziri İliya Darçiaşvili Azərbaycanda narazılıq yaradan Fransanın Gürcüstan ərazisindən keçməklə Ermənistana zirehli texnika göndərməsinə münasibət bildirib.

Sonxeber.az xəbər verir ki, Gürcüstanın Birinci Kanalına müsahibəsində Darçiaşvili ,Gürcüstan hər iki ölkəyə öz tranzit marşrutlarından bərabər şəkildə istifadə etməyə icazə verdiyini deyib.

O, əlavə edib ki, hər bir ölkənin müdafiə qüvvələrinə malik olmaq və beynəlxalq müqavilələrə əsasən icazə verilən silahlar əldə etmək hüququ var.

"Tiflisin mövqeyi ondan ibarətdir ki, hər iki ölkə malik olduğumuz tranzit funksiyasından bərabər şəraitdə istifadə etsin. Beləliklə, bu, bizim bu mövzuya cavabımızdır və əlavə şərhə ehtiyac yoxdur", - deyə Gürcüstan XİN rəhbəri bildirib.

Ermənistan Təhlükəsizlik Şurasının katibi Armen Qriqoryan Ermənistanın Fransadan zirehli texnika aldığını təsdiqləyib.

Telegramda izləyin