Prorektoru belə öldürmüşdülər...

Prorektoru belə öldürmüşdülər...Xəbər verdiyimiz kimi, "Təfəkkür" universitetinin prorektoru Tariyel Əhmədovun qətlinə görə həmin təhsil müəssisəsinin rektoru vəzifəsində işləmiş, hazırda isə Elm və Təhsil Nazirliyinin İqtisadiyyat İnstitutunun icraçı direktoru olan Müşfiq Atakişiyev də həbs olunub. Onun Tariyel Əhmədovu işgüzar nüfuzuna və rektor vəzifəsində qalmasına maneə kimi qəbul etməsi, bu səbəbdən qisas məqsədilə pul müqabilində prorektoru öldürülməsini öz qohumu Dəyanət Quliyevə sifariş verməsi, sonuncunun isə həmkəndlisi Samir Quliyevlə birgə cinayət əməlini törətməsinə əsaslı şübhələr müəyyən edilib.

"Qafqazinfo" bu məqamda 12 il əvvəlki qətlin təfərrüatını xatırladır.

Tariyel Əhmədov 2011-ci il sentyabrın 16-da evinin yaxınlığında qətlə yetirilib. Belə ki, idman kompleksində Tariyel Əhmədovun başına küt alətlə vurulan zərbə nəticəsində onun kəllə sümüyü sınıb, beyin zədələnməsi nəticəsində dünyasını dəyişib.

Hadisə səhər saatlarında, Tariyel Əhmədov idman formasında məşq eləyən zaman baş verib. Onun meyiti Yasamal rayonu, Şərifzadə küçəsi 8 saylı ünvanda yerləşən yaşayış binasının qarşısındakı idman meydançasında aşkar edilib.

Maraqlıdır ki, Əhmədovlar ailəsi hadisənin ilk illərindən bu yana qətlə görə məhz Müşfiq Atakişiyevi ittiham edirdi. Mərhumun oğlu Zaur Əhmədovun bununla bağlı dövrü mətbuata dediklərini xatırlayaq:

"Bu səbəbsiz deyil. Atam qeyd etdiyim kimi Universitetin həmtəsisçilərindən biri idi. Öldürülməsəydi, növbəti ildə həmtəsisçilər arasında razılığa görə rektor olmalı idi. Qətlin baş verməsinin səbəblərindən biri bax budur.

Atam qətlə yetiriləndən sonra M.Atakişiyev məni yanına çağırıb bildirdi ki, sizə atanın payına görə 78 min manat, yəni o dövrün kursuna uyğun olaraq 100 min dollar pul verəcəm.

Mən razılaşmadıqda bildirdi ki, get fikirləş, bu işin arxasında çox güclü bir fiqur dayanır. Sonradan anama da deyib ki, uşaqlarına yazığın gəlsin. Həmin vaxtda Bakı şəhərində adi bir köşkün qiyməti 100 min manatdan yuxarı idi. Bu halda hansı bir ağıllı insan uzun illər ərsəyə gələn, beynəlxalq aləmdə tanınan universitetdəki 33 faizlik payını 78 min manata satar? Onun yüksək vəzifəli şəxslərin adını hallandırması anamı qorxuya salmışdı. Ona görə də verilən cüzi məbləğlə razılaşıb paydan imtina etmişdi".

Qeyd edək ki, 16 sentyabr 2011-ci il tarixdə 1942-ci il təvəllüdlü Tariyel Əhmədovun yaşadığı binanın yaxınlığında üzərində xəsarət izləri olan meyitinin aşkar edilməsi faktına görə Cinayət Məcəlləsinin müvafiq maddələri ilə cinayət işi başlanıb istintaq aparılsa da, cinayəti törətmiş şəxsi müəyyən etmək mümkün olmadığından iş üzrə icraat dayandırılıb. 12 il sonra isə prorektoru öldürməkdə şübhəli bilinən şəxs müəyyən edilib. Belə ki, Baş Prokurorluq və Daxili İşlər Nazirliyinin əməkdaşlarından ibarət peşəkar istintaq-əməliyyat qrupu tərəfindən birgə həyata keçirilən tədbirlər nəticəsində 12 il əvvəl törədilərək bağlı qalmış xüsusilə ağır cinayətin açılması təmin edilib.

Həyata keçirilmiş çoxsaylı intensiv istintaq-əməliyyat tədbirləri nəticəsində əldə edilmiş sübutlarla 1977-ci il təvəllüdlü Dəyanət Quliyevin tamah məqsədi ilə Tariyel Əhmədova küt alətlə xəsarətlər yetirərək qəsdən öldürməsinə əsaslı şübhələr müəyyən edilib.

Bu gün isə həmin qətlə görə daha 2 şəxs məsuliyyətə cəlb edilib. Birgə keçirilən çoxsaylı istintaq və əməliyyat-axtarış tədbirləri nəticəsində Müşviq Atakişiyevin sifarişçi, Samir Quliyevin isə qətlin icraçısı kimi qolları qandallanıb.


Sonxeber.az Telegramda izləyin instagramda izləyin
Kriminal   Baxılıb: 2159   Tarix: 17 noyabr 2023  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Xırdalanda ata və oğul bıçaqlanıb, saxlanılan var

Xırdalan şəhərində ata və oğul bıçaqlanıb, saxlanılan var. Bu barədə -a Daxili İşlər Nazirliyindən (DİN) məlumat verilib. Bildirilib ki, noyabrın 23-də gecə saatlarında Xırdalan şəhərində ata və oğluna kəsici-deşici alətlə xəsarət yetirilməsi barədə polisə məlumat daxil olub. Abşeron Rayon Polis İdarəs

24 noyabr
.

Bakıda dəhşət - Qardaş qardaşı qətlə yetirdi

Dekabrın 7-si saat 1 radələrində paytaxtın Binəqədi rayonu ərazisində 1965-ci il təvəllüdlü Vasif Fətəliyevin öldürülməsi barədə rayon prokurorluğuna məlumat daxil olub. Bu barədə Baş Prokurorluqdan məlumat verilib. Aparılan araşdırmalarla 1977-ci il təvəllüdlü Bayram Fətəliyevin Binəqədi rayonu, Xocasə

7 dekabr
.

Gəncə sakininin bank kartından pul oğurlandı

Gəncə sakininin bank hesabından oğurluq edilib. Daxili İşlər Nazirliyindən verilən xəbərə görə, şəhər sakini olan bir nəfərin bank kartından hesabındakı 327 manat pulu oğurlanıb. Gəncə şəhər Baş Polis İdarəsinin 3-cü Polis Bölməsi əməkdaşlarının keçirdikləri tədbirlərlə oğurluqda şübhəli bilinən Gənc

3 dekabr
.

"Mahir Ay Brat" ləqəbli meyxanaçının məhkəmədən görüntüləri - FOTO

"Mahir Ay Brat" ləqəbi ilə tanınan meyxanaçı Mahir Qonşuyevin cinayət işi üzrə baxış iclası keçirilib. "Report" xəbər verir ki, Bakı Ağır Cinayətlər Məhkəməsində hakim Səbuhi Hüseynovun sədrliyi ilə baş tutan iclasda təqsirləndirilən şəxsə təyin olunan tərcüməçi iştirak etmədiyində

28 noyabr
.

Bakı sakini evində bıçaqlanıb

Bakının Suraxanı rayonunda evdə bir nəfər bıçaqlanıb. APA xəbər verir ki, hadisə Günəşli qəsəbəsində qeydə alınıb. 1993-cü il təvəllüdlü Rasim Mədət oğlu Əliyev yaşadığı D massivindəki mənzilinə tanımadığı adam gəlib. Onlar arasında hələlik bilinməyən səbəbdən dava düşüb. Dava zamanı R.Əliyev bıçaqlanıb

26 noyabr
.

Göygöldə gənc oğlan intihar edib

Göygöl rayonunun Yeni Qızılca kəndində intihar hadisəsi olub. "Report"un Qərb bürosunun məlumatına görə, Daşkəsən rayon Qabaqtəpə kənd sakini, 1996-cı il təvəllüdlü Famil Tağıyev özünü evdə asaraq intihar edib. Hadisənin səbəbi hələ məlum deyil. Faktla bağlı araşdırma aparılır

19 noyabr
.

Qusarda 32 yaşlı kişi intihar edib

Qusar rayonunda intihar hadisəsi baş verib. "Report"un məlumatına görə, rayon sakini, 1991-ci il təvəllüdlü Raiq Kamal oğlu Muradov özünü asaraq intihar edib. Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin rayon şöbəsinə təhvi

19 noyabr
.

General Nizami Məmmədovun məhkəməsi: Bəziləri at kimi üzümə durur, amma hamı burada pul qazanıb

Müdafiə Nazirliyinin mənimsəməyə görə tutulmuş Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin rəisi Bayram Bayramov və maliyyə idarəsinin zabiti Vüsal Əlizadəni

2 dekabr
.

Bakıda narkotik vasitələrin təsiri altında sərnişin avtobusu idarə edən şəxs saxlanıldı - VİDEO

Binəqədi rayonunda narkotik vasitələrin qanunsuz dövriyyəsi ilə məşğul olan şəxs saxlanılıb. Bu barədə Daxili İşlər Nazirliyinin Mətbuat Xidməti məlumat yayıb. Bildirilib ki, Binəqədi Rayon Polis İdarəsinin 6-cı Polis Bölməsinin əməkdaşları tərəfindən həyata keçirilən tədbir zamanı 1989-cu il təvəllüdl

2 dekabr