Azərbaycanda dəmir yolu nəqliyyatı ilə sərnişindaşıma təqribən 42 % artıb

Bu ilin yanvar-oktyabr aylarında Azərbaycanda dəmir yolu nəqliyyatı ilə 15,3 milyon ton yük, 5 milyon 614,7 min sərnişin daşınıb.

Dövlət Statistika Komitəsinin məlumatına görə, 2022-ci ilin eyni dövrü ilə müqayisədə yükdaşımalar 0,3 % azalıb, sərnişindaşımalar isə 41,5 % artıb.

Hesabat dövründə orta hesabla sutkada 407 vaqon yüklənib, 423 vaqon isə boşaldılıb.

Gün ərzində dəmir yolunun Şimal istiqaməti üzrə 20,7 min ton, Qərb istiqaməti üzrə 2,9 min ton, Cənub istiqaməti üzrə isə 0,7 min ton yüklənmə işi yerinə yetirilib.

Telegramda izləyin

instagramda izləyin