"Qondarma məhkəmənin hərbiçimizlə bağlı çıxardığı qərar Ermənistan dövlətinin əsil xislətini bir daha ortaya çıxardı" - DEPUTAT

"Bu gün bir daha Ermənistanın necə saxtakar dövlət olduğunu gördük".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Ermənistanda əsir saxlanılan Azərbaycan ordusunun hərbçisi Hüseyn Axundova ömürlük həbs cəzası verilib:

"Qondarma məhkəmənin çıxardığı bu qərar Ermənistan dövlətinin əsil xislətini bir daha ortaya çıxardı. Ermənistan tarix boyu dövlətimizə və xalqımıza qarşı çoxlu sayda cinayətlər, terrorlar və soyqırımlar törədib. Ermənilər hər zaman əsir götürdükləri soydaşlarımıza işgəncə vermiş, onlarla qeyri-insani və ya ləyaqəti alçaldan rəftar edib. Eyni münasibət Naxçıvan istiqamətində yolu azaraq Ermənistana keçən Azərbaycan əsgərinə qarşı təkrarlandı. Bu da bir daha ermənilərin necə barbar və vəhşi millət olduğunu sübut edir".

Deputat vurğulayıb ki, çox güman ki, hərbiçilərimizə qarşı amansız işgəncələrin verilməsi davam etdirilir:

"Ermənistan hələ də biabırçı məğlubiyyəti barışa bilmir. Yaxşı olardı ki, Ermənistan rəhbərliyi bu gün də davam etdiyi düşmənçilik niyyətindən əl çəksin və Azərbaycanın şərtlərindən hazırlanan sülh müqaviləsini imzalasın. İlkin olaraq da Ermənistan əsir götürdüyü Azərbaycan hərbçilərini azadlığa buraxmalıdır".

Telegramda izləyin