"Ermənistan Vətən müharibəsindəki biabırçı məğlubiyyətinin heyfini əsir götürdüyü hərbiçilərimizdən çıxır" - Deputat

"Ermənistanda əsir saxlanılan Azərbaycan ordusunun hərbçisi Hüseyn Axundova ömürlük həbs cəzası verilməsi bu ölkənin necə saxtakar və riyakar dövlət olduğunu bir daha sübut etdi".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, bu gün Ermənistan 44 günlük Vətən müharibəsindəki biabırçı məğlubiyyətinin heyfini əsir götürdüyü hərbiçilərimizdən çıxır:

"30 il ərzində xalqını aldatmaq üçün Qarabağ kartından istifadə edən Ermənistan rəhbərliyi bu dəfə əsir götürdüyü hərbiçilərimiz üzərində güc şousu göstərir. İnsan hüquqlarından və demokratiyadan dəm vuran təşkilatlar, dövlətlər niyə Ermənistana hansı səbəbə hərbçimizə ömürlük həbs cəzasını verdiyini soruşmur? Bizi əsassız ittiham edən təşkilatlar, dövlətlər Ermənistanın törətdiyi vəhşiliklərə, terrorlara, soyqırımlara qarşı lal və kar olur? Əslində bu sualların cavabı bizə bəllidir. Bu gün regionda sabitliyin və əmin-amanlığın bərpa olunmasını istəməyən bu qüvvələr bölgədə gərginlik yaratmaq üçün Ermənistandan maşa kimi istifadə edir".

Deputat vurğulayıb ki, tarix boyu ermənilər əsir götürdükləri soydaşlarımıza qarşı qeyri-insani münasibət bəsləyərək, onlara amansız işgəncələr veriblər:

"Ermənistan növbəti vəhşiliyi Naxçıvan istiqamətində yolu azaraq Ermənistana keçən Azərbaycan əsgərinə qarşı təkrarladı. Hərbiçimizə qarşı törədilən vəhşilik ermənilərin necə barbar və vəhşi xalq olduğunu sübut etdi".

Telegramda izləyin