"İki hərbçimizin erməni əsirliyindən azad edilməsi Azərbaycan dövlətinin növbəti diplomatik qələbəsidir" - DEPUTAT

Xəbər verdiyimiz kimi Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən erməni əsilli 32 şəxsin, Ermənistan tərəfindən isə iki Azərbaycan hərbçisinin azad edilməsi barədə razılıq əldə edilib.

Bununla bağlı Sonxeber.az-a danışa deputat İqbal Məmmədov bildirib ki, iki hərbçimizin erməni əsirliyindən azad edilməsi Azərbaycan dövlətinin növbəti diplomatik qələbəsidir:

"Naxçıvan istiqamətində yolu azaraq Ermənistana keçən iki hərbçimiz, Hüseyn Axundov və Aqşin Bəbirovun əsirlikdən azad edilməsi xəbəri məni çox sevindirdi. Əminiyidim ki, cənab prezident İlham Əliyev hərbçilərimizin erməni əsirliyində qalmasına, onların amansız işgəncələrə məruz qalmasına icazə verməyəcək və onları barbar xalqın əlindən xilas edəcək. Elə də oldu. Qısa müddət ərzində biz hərbiçilərimizi ermənilərin əlindən xilas edə bildik".

Deputat vurğulayıb ki, cənab prezident İlham Əliyev hər zaman vətəndaşlarına dəyər verən və qayğısına qalan ölkə başçısı olub:

"Biz buna bir neçə dəfə şahidi olmuşuq. Ən önəmlisi isə cənab prezident İlham Əliyev xalqına verdiyi sözü hər zaman tutub.

Bu gün Azərbaycan öz gücünə ərzi bütövlüyünü bərpa edən və regionda söz sahibi olan dövlətdir. Əlbəttə biz əldə etdiyimiz bütün zəfərləri cənab prezident İlham Əliyevə borcluyuq. Onun ölkə başçısı seçildiyi gündən bu günə qədər bütün sahələrdə xüsusilə də hərbi və xarici siyasət sahəsində apardığı uğurlu siyasət nəticəsində bu gün Azərbaycan torpaqlarını işğaldan azad edərək, ərazi bütövlüyünü bərpa edib. Əminəm ki, bundan sonra da dövlətimiz cənab prezident İlham Əliyev bütün sahələrdə böyük uğurlara imza atacaq".

Telegramda izləyin