"Xəstəxanaya hər gün avtoqəzaya görə müraciət edənlərin sayı artır" - Nurəngiz Bəşirova

"Sabunçu Tibb Mərkəzinə demək olar ki, hər gün avtoqəzalarda xəsarət alan vətəndaşlarımız gətirilir. Gün ərzində 13-ə yaxın avtoqəza qurbanları ilə bağlı müraciətlərimiz olur. Aqonal vəziyyətdə gələnlər də olur, xəstəxanaya çatdırılan zaman dünyasını dəyişənlər də. Lakin həyatını xilas etdiyimiz xəstələr də çoxalıb. Demək olar ki, son vaxtlar həkimlərimiz sakit dayanmırlar, iş rejimləri olduqca ağırdı".

Bu sözləri Sonxeber.az-a müsahibəsində Sabunçu Tibb Mərkəzinin direktoru Nurəngiz Bəşirova deyib. Nurəngiz Bəşirova Avtoqəzalarda ölənlər arasında yaş aralığı ilə bağlı ətraflı məlumat verib:

"Avtoqəzada yaralanan və ölənlər hər yaşda olur. Bəzən uşaqlar yolda gedərkən valideynlərinin əlini buraxıb, özlərini maşınların altına atırlar. Ölənlərin arasında körpələrimiz və yaşlılarımız da olur. Yəni hər yaşda avtoqəza nəticəsində həyatını itirən və ya yaralanan xəstələrimiz olur. Bəzən də elə olur ki, bir ailə avtoqəzanın qurbanı olur".

Sevda Səfərova

Telegramda izləyin