"2 hərbi qulluqçumuzun erməni əsirliyindən azad olunması Azərbaycan dövlətinin növbəti möhtəşəm qələbəsidir" - Emil Əkbərov

Xəbər verdiyimiz kimi dekabrın 13-də Qazax rayonunda Azərbaycan Respublikası ilə Ermənistan Respublikası arasında hərbçilərin qarşılıqlı surətdə azad edilməsi prosesi baş tutub. Proses zamanı Ermənistan tərəfindən Azərbaycanın 2 hərbi qulluqçusu- Hüseyn Axundov və Aqşin Bəbirov azad olunub.

Bununla bağlı Sonxeber.az-a danışan "BİG MEDİA" MMC-nin direktoru Emil Əkbərov bildirib ki, 2 hərbi qulluqçumuz- Hüseyn Axundov və Aqşin Bəbirovun erməni əsirliyindən azad olunması Azərbaycan dövlətinin növbəti möhtəşəm qələbəsidir:

"Hərbi qulluqçularımızın ailə üzvlərini təbrik edirəm. Bugünkü günü əminəm ki, hər bir azərbaycanlı qürurla xatırlayacaq. Biz əminiydik ki, hərbi qulluqçularımız tezliklə erməni əsirliyindən azad olunacaq. Dövlətimiz hər zaman vətəndaşının arxasındadır və heç bir zaman onu darda qoymayıb. Bu gün də elə oldu. Hərbi qulluqçularımızın sağlam şəkildə azad olundu. Hər gün bizə möhtəşəm zəfərlər yaşadan cənab prezident İlham Əliyevə təşəkkür edirəm. Biz bütün uğurlarımızı onun dəmir iradəsinə və uzaqgörən siyasətinə borcluyuq".

Telegramda izləyin