"Dövlətimiz qoymazdı ki, hərbi qulluqçularımız uzun müddət əsir qalsınlar" - Deputat

"7 dekabr 2023-cü il tarixində Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqların nəticəsində humanizm prinsipləri rəhbər tutularaq və qarşılıqlı etimad tədbiri kimi Azərbaycan tərəfindən 32 erməni hərbçinin, Ermənistan tərəfindən 2 azərbaycanlı hərbçinin azad edilməsi barədə əldə olunmuş razılığa əsasən bu gün Azərbaycan-Ermənistan sərhədinin Qazax rayonundan keçən hissəsində hərbi qulluqçuların qarşılıqlı şəkildə təhvil verilməsi həyata keçirilib".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, Ermənistanın əsir saxladığı iki hərbçimiz Azərbaycana təhvil verilib. İlkin vəziyyətə görə əsirlikdən azad edilənlərin səhhətləri yaxşıdır. Əsirlikdən azad edilən hərbçimizin vurğuladığı kimi dövlətimiz onları qoymazdı ki, uzun müddət əsir qalsınlar".

Telegramda izləyin