Ermənistan və Estoniya XİN rəhbərləri mətbuat konfransı keçirib

Ermənistanın xarici işlər naziri Ararat Mirzoyan İrəvanda estoniyalı həmkarı Marqus Tsahkna ilə birgə mətbuat konfransı keçirib.

Sonxeber.az xəbər verir ki, o, əlaqələrin inkişaf dinamikasının qorunub saxlanılması və gündəliyin yüksəldilməsi üçün addımlar atmağa hazır olduqlarını bildirib.

"Bu gün bizim kifayət qədər geniş məsələləri müzakirə etmək şansımız oldu. Siyasi dialoqun gücləndirilməsi ilə yanaşı, biz ikitərəfli əlaqələrin iqtisadi komponentinə, eləcə də hədəflənmiş sahələrdə sıx əməkdaşlığın inkişafı üçün potensialdan maksimum istifadəyə əhəmiyyət verdik", - deyə Mirzoyan qeyd edib.

Ermənistan-Aİ tərəfdaşlığı da müzakirə olunub.

Avropa İttifaqının Ermənistandakı missiyasının (EUMA) genişləndirilməsi və Estoniyanın orada iştirakı regional sabitlik kontekstində vurğulanıb.

Telegramda izləyin