"Selektiv abort halı görəndə hüquq mühafizə orqanlarına xəbər vermək lazımdır" - Kamilə Əliyeva

İstiqamət: Gender, ailə və demoqrafiya məsələlərinin işıqlandırılması
Azərbaycan dünyaya gələn uşaqların cins nisbətinə görə selektiv aborta üstünlük verən dövlətlər arasında birinci yerdədir.Əvvəl selektiv aborta görə siyahıda liderlik Çinə məxsus idi və Azərbaycan ikinci yerdə idi. İndi vəziyyət əksinədir. Belə ki, hazırda Çində bu göstərici 100-110,3 təşkil edir. Ölkəmiz 2021-ci ildə bu məsələdə birinci yerdə olan Çini artıq üstələyib.

Mövzu ilə bağlı Sonxeber.az-a danışan Milli Məclisin deputatı, Səhiyyə komitəsinin üzvü Kamilə Əliyeva bildirib ki, Azərbaycan qanunvericiliyinə görə selektiv abortların aparılması qadağandır.Belə hallar görəndə hüquq mühafizə orqanlarına xəbər vermək lazımdır:

"Azərbaycan qanunvericiliyinə görə selektiv abortların aparılması qadağandır. Selektiv abortların aparılması nə hüquqi cəhətdən, nə də dini cəhətdən düzgündür. Qız uşaqlarının ölümünə səbəb olmaq, oğlan uşağını saxlamaq hər iki baxımdan düzgün deyil. Vətəndaşlar bunu anlamalıdırlar və ailələrdə buna ciddi yanaşılmalıdır. Belə hallar müəyyən olunarsa, hüquq mühafizə orqanları tərəfindən qanunvericiliyin müvafiq maddələrinə görə cinayət açıla bilir. Belə hallar görəndə hüquq mühafizə orqanlarına xəbər vermək lazımdır. Burada həm valideynlər, həm həkimlər tərəfindən vicdan və məsuliyyət məsələsi var . Bir daha qeyd edim ki, qanunvericilik baxımından heç bir problem yoxdur və bu, qadağandır. Bu yola əl atan həkimlər cinayət məsuliyyətinə cəlb olunurlar. Amma digər tərəfdən buna nəzarət də olmalıdır. Birincisi, valideynlər buna yol verməməlidirlər. Övladlar arasında ayrı-seçkilik qoymaq düzgün deyil. Belə faktlar var ki, oğlan uşağı dünyaya gəlmədiyi üçün ailələr dağılır, ailədə bir neçə qız uşağı varsa, ata oğlan uşağı istəyir. Mən özüm ixtisasca genetik olduğuma görə qeyd etmək istəyirəm ki, oğlan uşağının olması yalnız və yalnız atadan asılıdır. Burada yeganə günahı olan şəxs varsa,o da atadır. Ananı qınamaq və ailəni dağıtmaq düzgün deyil".

Material Azərbaycan Respublikasının

Şəbnəm Lətifi

Telegramda izləyin