Bu il ərzində Azərbaycanda doğulan üçəmlərlə dördəmlərin sayı açıqlandı

Cari ilin yanvar-oktyabr aylarında Ədliyyə Nazirliyinin rayon (şəhər) qeydiyyat şöbələri ölkə üzrə 94 671 körpənin doğulmasını qeydə alıb. Ötən ilin müvafiq dövrü ilə müqayisədə əhalinin hər 1 000 nəfərinə bu göstərici azalaraq 12,3-dən 11,2-yə düşüb.

Dövlət Statistika Komitəsindən verilən xəbərə görə, doğulan körpələr arasında oğlan uşaqlarının xüsusi çəkisi 53,2 faiz, qız uşaqlarının xüsusi çəkisi isə 46,8 faiz olub.

Doğulanlardan 2 854-ü əkiz, 123-ü üçəm, dördü isə dördəm olub.

Telegramda izləyin