Yeni ildə QİYMƏT ARTIMLARI nə qədər olacaq? - CAVAB

"İlin əvvəlində qiymətlərin artımı bir neçə faktorun fonunda baş verir. Hökümətin bu istiqamətdə siyasəti, sosial paketlərin açıqlanması, əmək haqqlarının artması, əhalinin alıcılıq gücünə pozitiv təsiri bazar tərəfindən qiymətləndirilir. Buna uyğun olaraqda şirkətlər müəyyən mənada qiymət strategiyasını müəyyən edir".

Bu sözləri ərzaq qiymət artımı ilə bağlı BiG.AZ-a danışan iqtisadçı ekspert Rəşad Həsənov deyib.

"Şirkətlərin illik qiymət çərçivəsi strategiyası olur. İlin əvvəlində buna yenidən baxılır. Bu adətən həmin dövrdə qiymət artımı ilə nəticələnir. Buda bazara təsir göstərir. Amma qiymət artımında əsas məsələ biznesin gözləntiləridir. Əgər həmin şirkət xammal və istehsal xərclərində artımlar gözləyirsə, ona uyğun olaraqda məhsullarının qiymətlərində artımlar edir.

Yanvar ayında ərzaq məhsullarının qiyməti bu ilə nisbətən 0.5 -1 faiz arasında artım ola bilər. Amma burada kifəyətqədər təsiredici faktorlar var. Ona görə də atımın tam olaraq nə qədər olacağını dəqiq demək mümkün deyil. Əvvəlki yanvar aylarını gözdən keçirsək artımın 0.5-1 faiz aralığında olacağını deyə bilərik".

Telegramda izləyin