FIFA klublararası dünya çempionatında iştirak edəcək komandaların adını açıqlayıb

FIFA 2025-ci ildə keçiriləcək klublararası dünya çempionatında iştirak edəcək komandaların siyahısını açıqlayıb.

Bu barədə qurumun mətbuat xidməti məlumat yayıb.

Yarışda ümumilikdə 32 klub iştirak edəcək.

Avropadan çempionlar yolu ilə seçilən 4 klub (UEFA Çempionlar Liqasında qələbə) turnirdə iştirak edəcək – "Çelsi" (İngiltərə), "Real" (İspaniya), "Mançester Siti" (İngiltərə), həmçinin cari turnirin qalibi.

Turnirə reytinq üzrə daha 8 komanda qatılacaq. Artıq 5 klubun adı bəllidir – "Bavariya" (Almaniya), PSJ (Fransa), "İnter" (İtaliya), "Portu" və "Benfika" (hər ikisi Portuqaliya).

Turnirdə mütləq iştirak edəcək komandalar: "Əl-Əhli" (Misir), "Vidad" (Mərakeş), "Əl-Hilal" (Səudiyyə Ərəbistanı), "Urava Red Daymonds" (Yaponiya), "Monterrey" (Meksika), "Sietl Saunders" (ABŞ), "Leon" (Meksika), "Oklend Siti" (Yeni Zelandiya), "Palmeyras", "Flamenqo", "Fluminense" (hamısı Braziliya).

Yenilənmiş formatda ilk turnir 2025-ci il iyunun 15-dən iyulun 13-dək ABŞ-də keçiriləcək.

Telegramda izləyin