Azərbaycanda qadınlar könüllü həqiqi hərbi xidmətə qoşula bilərmi? - AÇIQLAMA

"Qadınların könüllü hərbi xidmətə qoşulması nümunələri bir çox ölkələrdə var. Xüsusilə burada ABŞ-nin, Fransa və Macarıstanın adını qeyd edə bilərik. İl ərzində Ermənistan eyni qanunu qəbul etdi. Azərbaycanda qadın hərbi qulluqçuların olması məsələsi qanunvericilikdə tənzimlənib. Onların əsas xidmətkeçmə meyarları "Hərbi vəzifə və hərbi xidmət haqqında qanunda" öz əksini tapıb. Eyni zamanda Nazirlər Kabinetinin təsdiq etdiyi, "Azərbaycan Respublikası qadın vətəndaşlarının hərbi uçot ixtisaslarının Siyahısı" adlı sənətdə öz əksini tapıb".

Bu sözləri Sonxeber.az-a açıqlamasında hərbi ekspert Elxan Şıxəliyev deyib. Elxan Şıxəliyev bildirib ki, qanunvericiliyə əsasən Azərbaycanda qadınlar müqavilə əsasında müddətdən artıq hərbi xidmət edirlər:

Xüsusilə çavuş, gizir, zabit vəzifələrində ilkin tələb olaraq ali təhsilli qadınlar prioritet təşkil edir. İndi bunun əsasında bütün güc strukturlarında müddətdən artıq xidmət edən qadınların sayı kifayət qədərdir. Digər bir məsələ isə həqiqi hərbi xidmətdə olması Azərbaycanda bu gün üçün prioritet məsələ deyil. Niyə görə? Bizim səfərbərlik və ehtiyatlarımız kifayət qədər imkan verir ki, qadınlar həqiqi hərbi xidmətə çağırılmasınlar. Digər bir məsələ isə, hər hansı bir qadın könüllü surətdə hərbi xidmət keçmək istəyirsə səfərbərlik və hərbi xidmət idarələrinə müraciət etdikdən sonra, bağlanma və könüllülük əsasında onun hərbi xidmət keçməsi qanunda nəzərdə tutulub.

Ekspertin sözlərinə görə, qadınların hərbi xidmət keçmələri ilə bağlı nümunələrimiz kifayət qədər çoxdur:

"Birinci Qarabağ müharibəsində könüllü qadınlar taboru var idi. Ondan sonrakı mərhələdə 44 günlük müharibədə qadınlar iştirak etdilər. Qanunvericilik nəzərdə tutur ki, bu gün üçün Azərbaycanda qadınların könüllü hərbi xidmətə çağırılması, ehtiyacları qiymətləndirilir. Bu gün üçün hərbi ehtiyatlarımız kifayət qədər imkan verir ki, həqiqi hərbi xidmət ştat vəzifələri qadınlarsız həyata keçirilir. Buna görə də mümkün olmayacaq deyilən bir məsələ yoxdur. Hər şey mümkündür. Təbii ki qanunvericilikdə kütləvi şəkildə qadınların hərbi xidmətə çağırılması barəsində zərurət olmadığı üçün hələ biz özümüzün səfərbərlik ehtiyatlarını qadınlar olmadan tam komplektləşdirə bilirik".

Sevda Səfərova

Telegramda izləyin