"Hər bir məktəbdə şagirdlərlə psixoloji işin təşkili ilə bağlı konkret müddəalar olmalıdır" - EKSPERT

"Şagirdlərin, məktəblərini dəyişməsi, onların təhsil mühitinə də təsir göstərir. Məktəbə yeni gələn uşaqlarla psixoloji işin qurulması vacibdir. Siniflə hətta həmin şagirdlə söhbət aparmalıdır. Eyni zamanda sinif rəhbəri yeni gələn şagirdlə əlavə fərdi söhbət aparmalıdır. Yalnız bu zaman mühit yeni şagirdin təhsil almasına təsir göstərməyə bilər. Amma əksər hallarda yeni şagirlər sinifdə ayrı seçkiliklə rastlaşırlar".

Bu sözləri Sonxeber.az-a açıqlamasında təhsil eksperti Elşən Qafarov deyib.

Ekspert bildirib ki, hər bir məktəbdə pedaqoji və psixoloji işin təşkili ilə bağlı konkret müddəalar olmalıdır :

"Hətta müəllimlər uşaqlara yeni gələn və s bu kimi adlar qoymaqla bilmədən həmin şagirddə psixologiyalara mənfi təsir göstərirlər. Nəticə etibarı ilə bu hal onların tədrisdən soyumasına gətirib çıxarır. Birmənalı şəkildə hər bir ümumtəhsil məktəbinin illik fəaliyyət planında yeni gələn şagirdlərlə pedaqoji və psixoloji işin təşkili ilə bağlı konkret müddəalar olmalıdır. Çox təəssüflər olsun ki, məktəblərimizin böyük bir hissəsində bu iş aparılmır və yaxud da ki, sistemli deyil"

Telegramda izləyin