"12 yaşlı qızı evləndirmək istəyən ailədən niyə Azərtaşın xəbəri var, amma Sabirabaddakı qurumların xəbəri yoxdur" - Qurumlar hara BAXIR?

"Erkən evliliklərin sayının artdığını düşünmürəm. Əksinə bu halların azaldığını düşünürəm.Sadəcə bu faktlar ortaya çıxır. Bir iki bu halların artması demək deyil. Çünki bu gün qızların təhsilə meyili də artıb . Ailələr övladlarına təhsil verməyi üstün tutur. Biz belə prizmadan yanaşsaq bu halı cəmiyyətin şüur altına təlqin etmiş oluruq. Bu da öz növbəsində adi hal olduğunu göstərir. Amma bunlar istisnalardır. İstisnalar isə nümunə deyil . Biz bu hadisələrin aradan qaldırılması üçün yollar fikirləşməliyik. Bu halları aqresiv şəkildə qınamaqla heç bir nəticə əldə etmiş olmayacağıq".

Bu sözləri Sonxeber.az-a açıqlamasında Psixoloq Fərqana Mehmanqızı deyib.

Psixoloq maarifləndirmə işlərinin vacibliyini vurğulayıb.

"Bu iş üzrə maarifləndirmə işləri aparılmalıdır. Ailə, Qadın və Uşaq Problemləri üzrə Dövlət komitəsi bu işin üzərinə ciddi şəkildə düşməlidir. Hər il hesabat verilməlidir ki, bu ailələr maarifləndirilib. Əgər erkən nigahların sayının artdığını düşünürüksə, deməli Ailə, Qadın və Uşaq Problemləri üzrə Dövlət Komitəsi öz işinin öhtəsindən gəlmir. Bu isə faciədir. Bu hallar uşaqlara həm fiziki, həm də psixoloji mənfi təsir edir. Onlar necə ana olacaq? Erkən evlilik erkən doğum deməkdir. Bu halların artması,öz növbəsində doğuş zamanı ölən anaların da sayını artıracaq.

Son olaraq,12 yaşlı uşağını evləndirmək istəyən ailədən niyə Azərtaşın xəbəri var, amma Sabirabad rayonunda olan qurumların xəbəri yoxdur? Məsələnin kökü həll olunmalıdır. Əsas olan, problemin kökünə getmək və həll etməkdir. Ailəni yox qurumları da qınamaq olar ki, niyə ailələr maarifləndirilmir. Qurumların vəzifəsi ailəni maarifləndirib, məsuliyyətə cəlb etməkdir. Ailəni o vəziyyətə salan bir düşüncə var. Biz o düşüncəni aradan götürməliyik. El qınağı o qurumlar olmalıdır. Qurumlar qınanmalıdır ki, gələn dəfə o səhvlər edilməsin".

Gülcahan Məmmədova

Telegramda izləyin