DİN 32 yaşlı kişi ilə nişanlandırılan 12 yaşlı qızın durumunu nəzarətdə saxlayacaq

Sabirabad rayonunda 12 yaşlı yeniyetmənin qanunvericiliyə müvafiq təhsilinə davam etməsi və dərsə davamiyyəti mütəmadi olaraq nəzarətdə saxlanılacaq.

Bu barədə "Report"a Daxili İşlər Nazirliyinin Mətbuat Xidmətinin Şirvan regional qrupundan məlumat verilib.

Bildirilib ki, faktla bağlı Sabirabad Rayon Polis Şöbəsinin əməkdaşları tərəfindən bütün tədbirlər icra olunub. Araşdırmalar zamanı qızın 12 yaşının olduğu üzə çıxıb. Polis əməkdaşları yeniyetmənin valideynləri ilə izahedici söhbətlər aparıblar və qeyd olunan halın hüquqazidd olması onların diqqətinə çatdırılıb. Bundan əlavə, yeniyetmənin qanunvericiliyə müvafiq təhsilinə davam etməsi və dərsə davamiyyəti mütəmadi olaraq nəzarətdə saxlanılacaq.

Telegramda izləyin