"Bu gün "Böyük Qayıdış" yolunda əmin addımlar atılmaqdadır" - Deputat

"Fevralın 7-də keçiriləcək növbədənkənar seçkilərin əhəmiyyəti olduqca böyükdür".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, müstəqil Azərbaycan tarixində ilk dəfə olaraq bütün ölkə ərazisində seçkilər keçiriləcək:

"44 günlük Vətən Müharibəsi və 2023-cü ilin antiterror tədbirləri nəticəsində ərazi bütövlüyümüzün və suverenliyimizin bərpa olundu. Cənab prezident İlham Əliyev ilk dəfə ölkə başçısı seçilən zaman xalqımıza bütün Azərbaycan torpaqlarında üçrəngli bayrağımızın dalğalanacağı sözünü vermişdi. Belə də oldu. Müzəffər Ali Baş Komandan İlham Əliyev xalqa verdiyi sözü tam əməl etdi. Azərbaycanın ərazi bütövlüyünü və suverenliyini bərpa etdi. Bu gün Xankəndində, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər rayonlarda üçrəngli bayrağımız dalğalanır. Fevralın 7-də keçiriləcək növbədənkənar keçiriləcək seçkilərdə vətəndaşlarımız siyasi iradələrini ifadə edəcəklər. Ən önmlisi isə 30 ildən sonra soydaşlarımız qalib ölkənin vətəndaşları kimi öz doğma yurdlarında səs verəcəklər".

Deputat vurğulayıb ki, cənab prezident İlham Əliyevin bütün sahələrdə, xüsusilə də ordu quruculuğu sahəsində apardığı uğurlu siyasət nəticəsində bu gün dövtətimiz regionda və beynəlxalq aləmdə öz layiqli yerini davamlı olaraq inkişaf etdirməkdədir:

"Xüsusilə də son 3 il ərzində cənab prezident İlham Əliyev yeni-yeni uğur və zəfərlərlə bizi sevindirir. Cənab prezident İlham Əliyevin uğurlu daxili və xarici siyasəti nəticəsində beynəlxalq aləmdə olan hörmət günbəgün artır. Müstəqil siyasətimiz, prinsipial mövqeyimiz, beynəlxalq hüquqa bağlılığımız, sədaqətimiz və eyni zamanda, ölkə ərazisində suverenliyin bərpa edilməsi dünyada bizə olan hörməti daha da artırdı.

Bu gün xalqımız cənab prezident İlham Əliyevə inanır və onun ətrafında yumruq kimi sıx birləşib. Hər bir vətəndaşımız əmindir ki, Ali Baş Komandan İlham Əliyevlə ölkəmiz bir çox uğurlara və zəfərlərə imza atacaq".

Ən önəmlisi isə soydaşlarımız 30 il həsrətində olduğu öz doğma torpaqlarına geri qayıdır. Qısa müddət ərzində Qarabağ və Şərqi Zəngəzurda aparılan bərpa və yenidənqurma işləri göz önündədir. Böyük Qayıdış Proqramı bütün azad olunmuş ərazilərin bərpasını əhatə edir. Burada müasir texnologiyalar, "ağıllı şəhər" və "ağıllı kənd"lər inşa olunur. Böyük Qayıdış sürətlə həyata keçirilir və bu, Azərbaycanın qüdrətini, xalqımızın Vətəninə bağlılığını bir daha dünyaya nümayiş etdirir. Bu gün "Böyük Qayıdış" yolunda əmin addımlar atılmaqdadır. Xalqımızın firəvan yaşayışı və qarşıya qoyulan hədəflərə çatmaq üçün fevralın 7-də növbdənkənar prezident seçkilərində seçimimizi doğru etməli, ölkəmizin uğurlu gələcəyinə səs verməliyik".

Telegramda izləyin