Perinatal Mərkəzinin rəhbərliyini 7 ilə qədər HƏBS GÖZLƏYİR- AÇIQLAMA

Xəbər verdiyimiz kimi, səhər radələrində Respublika Perinatal Mərkəzinin dördüncü mərtəbəsində yanğın baş verib. Mərkəzin Yenidoğulmuşların intensiv terapiya şöbəsində müalicə alan 4 uşağın meyiti aşkar olunub. Fakta görə, Baş Prokurorluğun İstintaq idarəsində Cinayət Məcəlləsinin 225.3 (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) və 314.3-cü (səhlənkarlıq iki və daha çox şəxsin ölümünə səbəb olduqda) maddələrilə cinayətişi başlanıb. Yanğınla bağlı məsuliyyət daşıyan şəxsləri hansı cəzalar gözləyir?

Məsələ ilə bağlı hüquqşünas Ələsgər Məmmədli Sonxeber.az-a açıqlama verib.

Hüquqşünas maddələrə aydınlıq gətirib:

"Baş verən yanğın hadisəsi çox üzücüdür. Çox təəssüf ki, Respublika Perinatal Mərkəzində baş verən yanğın 4 uşağın ölümü və 3 nəfərin zəhərlənməsi ilə nəticələnib. Bu böyük faciədir. Dövlətin əmanət etdiyi müəssisədə belə bir hadisənin baş verməsi bundan sonra atılacaq addımların önəmini gündəmə gətirir.

Baş Prokurorluğun yaydığı məlumata görə hadisə ilə bağlı iki maddə- Cinayət Məcəlləsinin 225.3 (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) və 314.3-cü (səhlənkarlıq iki və daha çox şəxsin ölümünə səbəb olduqda) maddələrilə cinayət işi açılıb.

225.3 maddəyə əsasən, 5 ildən - 10 ilə qədər həbs cəzası nəzərdə tutulub. Bu həbs qətimkan tədbiri yanğın təhlükəsizliyi qorunması qaydasına riayət edilməsi vəzifəsi qoyulan şəxslərə aiddir.

314.3-cü - Səhlənkarlıq maddəsinə əsasən, vəzifəli şəxsin işə vicdansız, laqeyd münasibəti və öz xidməti vəzifəsini yerinə yetirməməsi üçün 3 ildən - 7 ilə qədər azadlıqdan məhrum etmə vəzası nəzərdə tutulub. İstintaq bu məsələ ilə bağlı ciddi araşdırma edəcək. Yanğının səbəbi və məsuliyyətdə olan şəxslərin fəaliyyətini araşdıracaq".

Ələsgər Məmmədli hadisənin bir neçə nəfərin üzərinə atmasının düzgün olmadığını bildirib

"Bu tip müəssisələrdə ilkin müdaxilə imkanları olmalıdır. Siqnalizasıya sistemləri, eyni zamanda baş verən yanğında infrastruktur nə qədər effektiv təşkil olunub, bu hallar araşdırılmalıdır. 60 şəxsdən artıq , doğum gözləyən və doğuşdan sonra müalicə alan pasiyentlərin olduğu tibb müəssisədə bu şəkildə məsuliyyətsiz yanaşma çox ciddi problemdir. Bu eyni zamanda xəstəxanının rəhbərliyinin, müəsisənin yağından təhlükəsizlik xidmətinin və FHN və bu bölgədə nəzarət işləri aparan qurumlarının məsuliyyətindədir. Bu məsələni bir neçə nəfərin üzərinə atmaq düzgün deyil. Bu işdə məsuliyyət daşıyan şəxslər qanun qarşısında cavab verməlidir".

Gülcahan Məmmədova

Telegramda izləyin