Körpələrdən altısının vəziyyəti ağırdır

"KTM-ə gətirilən 15 uşaqdan səkkizi reanimasiyaya yerləşdirilib. Onlardan altısının vəziyyəti ağırdır".

Bunu Oxu.Az-a açıqlamasında KTM-in Yenidoğulmuşlar Şöbəsinin uzman pediatr neonatoloqu Aysel Qədimova deyib.
O bildirib ki, gətirilən uşaqlardan heç birində yanıq xəsarəti yoxdur:

"Uşaqlardan altısının vəziyyəti ağırdır. Onlardan üçü süni tənəffüs aparatına, üçü CPAP (ağciyərlərin süni havalandırılması rejimi aparatı - red.) aparatına qoşulub. Reanimasiyada olan uşaqların yaxın zamanda normal palataya köçürülməsi gözlənilmir. Digər yeddi uşaq isə intensiv nəzarət şöbəsindədir, ümumilikdə uşaqlardan altısı qız, doqquzu oğlandır".

Telegramda izləyin