Həyat yoldaşını itirən qadınlar vaxtından əvvəl pensiyaya çıxa bilər? - AÇIQLAMA

Ailə başçısını itirməyə görə əmək pensiyalarının hesablanması qaydası açıqlanıb. Vəfat etmiş və ya həlak olmuş ailə başçısının öhdəsində olan (vəfat edənin tam təminatında olmuş və ya ondan özlərinin yaşayışı üçün daimi və əsas vəsait mənbəyi olmuş kömək alan) qanunda göstərilən ailə üzvlərinin nəzərdə tutulan şərtlərlə ailə başçısını itirməyə görə əmək pensiyası hüququ var. Ailə başçısını itirməyə görə əmək pensiyası ailə başçısının ölüm gününədək əlillər üçün müəyyənləşdirilmiş sığorta stajı olduqda təyin edilir. Həyat yoldaşını itirən qadınlar vaxtından əvvəl pensiyaya çıxa bilər?

Məsələ ilə bağlı iqtisadçı ekspert Eyyub Kərimli Sonxeber.az-a açıqlama verib:

"Ümumiyyətlə qanunvericiliyə əsasən sosial təminatı aşağı olan insanlara sosial müavinət verilir. Bu minimum 270 manat təşkil edir. Eyni zamanda ailə başçısını itirən xanımlara sosial müavinət təyin edilir. Bu baxımdan hesab edirəm ki, vaxtından əvvəl həmin kateqoriyadan olan insanların vaxtından əvvəl pensiyaya çıxmasının iqtisadi əsası yoxdur. Ümumi qanunvericiliklə bu məsələlər tənzimlənir".

Qeyd edək ki, ailə başçısını itirməyə görə əmək pensiyası almaq hüququ olan ailə üzvlərinin hər birinə düşən pensiyanın məbləği ailə üçün hesablanmış ümumi məbləğin əmək qabiliyyəti olmayan ailə üzvlərinin sayına bölünməsi yolu ilə müəyyənləşdirilir.

Sevda Səfərova

Telegramda izləyin