"Ölkə başçısının yanvarın 10-da yerli televiziya kanallarına verdiyi müsahibəsi növbəti zəfərlərə olan inamımızı daha da artırdı" - DEPUTAT

"Cənab Prezident İlham Əliyevin yanvarın 10-da yerli televiziya kanallarına verdiyi müsahibəsi növbəti zəfərlərin anonsu kimi yaddaşlarda həkk olundu".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, cənab prezident İlham Əliyev dəqiq və səlis nitqi ilə jurnalistlərin ona verdiyi sualları cavablandırdı:

"Ölkə başçısı müsahibə zamanı jurnalistlərin ötən müddətdə Azərbaycanda iqtisadi, sosial sahələrdə görülən işlər, növbədənkənar Prezident seçkilər, Azərbaycan ilə Ermənistan arasındakı münasibətlərə, işğaldan azad edilmiş ərazilərdə aparılan yenidənqurma işləri, ölkəmizin xarici siyasətinə və digər vacib məsələlərlə bağlı suallarını cavablandırı. İlk olaraq cənab prezident İlham Əliyev bu il fevralın 7-nə təyin edilən növbədənkənar prezident seçkilərini şərtləndirən əsas amillər barədə danışıb. Daha sonra ölkə başçısı ötən dövr ərzində ölkəmizin əldə etdiyi uğurlar və zəfərlərdən danışıb. Müsahibəsi zamanı 2023-cü ilin antiterror tədbirlərinə toxunan cənab prezident İlham Əliyev bu əməliyyatın uğurla və yüksək peşəkarlıqla keçirildiyini vurğuladı. Bəli, 44 günlük Vətən Müharibəsi və 2023-cü ilin antiterror tədbirləri dövlətimizin qüdrətini, hərbçilərimizin isə gücünü bütün dünyaya göstərdi. 2023-cü ilin antiterror tədbirlərindən sonra Ermənistan və onun havadarları bir daha anladı ki, Azərbaycan bir qarış torpağını kimsəyə güzəştə getməyəcək".

Deputat vurğulayıb ki, cənab prezident İlham Əliyev müsahibəsi zamanı azad edilən torparlarda aparılan quruculuq işlərinə də geniş yer verib:

"Ölkə başçısı Laçın, Füzuli şəhərləri, Ağalı, Talış və Zabux kəndləri artıq dirçəldiyini və bu il həmin yaşayış məntəqələrinə keçmiş köçkünlərin qaytarılmasının davam ediləcəyini vurğulayıb. Cənab prezident İlham Əliyevin dəmir iradəsi və uzaqgörən siyasəti nəticəsində 2024-cü ilə ərazi bütövlüyünü və suverenliyini tam bərpa etmiş xalq kimi başlayırıq. Bu gün Azərbaycan dünya miqyasında güclü dövlətlər sırasındadır. Bir sözlə ölkə başçısının yanvarın 10-da yerli televiziya kanallarına verdiyi müsahibəsi hər birimizi qürurlandırdı və növbəti zəfərlərə olan inamımızı daha da artırdı".

Telegramda izləyin